CLOVER - Volume 2 {Completed}

🍀29.Clover

Unicode

' ပြန်ရအောင် ဂျွန်။ မင်းကြည့်ရတာ အေးနေပုံပဲ '

ပါးပြင်တွေကို အုပ်ကိုင်ကာဆိုလာတဲ့ မျက်ဝန်းနက်လေးတွေ..

' အင်း။ '

တဖွဲဖွဲရွာနေသည့် မိုးက အိမ်ပြန်ရောက်တော့ ပိုလို့ပင် သည်းလာတော့သည်။ တစ်လမ်းလုံး တိတ်ဆိတ်ကာဖြင့် သူ့ကိုစကားမပြောသည့် ဂျွန်က ပြန်ရောက်ရောက်ချင်း အခန်းထဲကို ဝင်သွားတာကြောင့် သူလည်း ရေချိုးကာပင် အဝတ်အစားလဲပြီး ဂျွန့်အခန်းထဲကို ဝင်လာလိုက်သည်။

မှောင်နေသည့် အခန်းကြောင့် နံရံပေါ်က မီးခလုတ်ကို ဖွင့်လိုက်တော့ သူ့မျက်ခုံးတွေ
ပင့်တက်သွားရသည်။ အိပ်ယာပေါ်မှာ ရေစိုအဝတ်တွေနဲ့ပင် လှဲအိပ်နေတာ။

' ဂျွန်။ မင်းဖျားလိမ့်မယ် '

ပုခုံးကိုကိုင်ကာပင် ပြောတော့ အနည်းငယ် ဖြူနေသည့် နှုတ်ခမ်းတွေက ပြုံးသည်။

' ငါအိပ်ချင်နေပြီ '

' မအိပ်ရဘူး။ မင်းဖျားလိမ့်မယ် ဂျွန်။ အခုထ ရေချိုးရမယ် '

မျက်လုံးတွေကို မှိတ်ကာဖြင့် ပေကပ်ကပ် လုပ်နေတဲ့ ဂျွန့်ကိုမထူလိုက်တော့ ဖွင့်လာသည့် ဂျွန့်မျက်လုံးတွေက ရဲနေတုန်း..

ငေးကြည့်နေစဉ်မှာပဲ ဂျွန်က သူ့လက်တွေကို အသာလေး အုပ်ကိုင်ရင်း ခပ်ဖွဖွ နမ်းသည်။

' ငါမှားခဲ့တာလား ထယ်။ '

အရည်ကြည်လဲ့နေသည့် မျက်ဝန်းအိမ်မှ စီးကျလာသည့် မျက်ရည်များ

သူတို့၏ လာရာလမ်းသည်.. ရင်ထဲက ဖြစ်သည်။

ချစ်ခြင်းတရားတွေကို ကန့်သတ်မထားတဲ့ ငါနဲ့ ချစ်ခြင်းတရားတွေကို အတ္တနဲ့ကန့်သတ်ထားတဲ့ မင်း..

အခုချိန်မှာ အမှန်တရားတွေကို ငါထုတ်မပြောချင်သေးဘူး။

မင်းမှာရှိတဲ့ အတ္တတွေကို ဖျောက်ပစ်ဖို့အတွက် အချိန်လိုအပ်မယ်ဆို ကြိုက်သလောက်ယူပါထယ်။ ဒါပေမဲ့ အရမ်းတော့ မကြာစေနဲ့ပေါ့။

ခံယူချက်ချင်းသာ တူညီနေမယ်ဆိုရင် ခေတ်အဆက်ဆက်က သမိုင်းတိုင်းက လှပနေမှာပေါ့..