Unicode
မီးရောင်ဝါဝါလေးအောက်က သစ်သားစားပွဲဝိုင်းလေး။ ခေါက်ဆွဲကို ကောင်းကောင်းစားနေသည့် ထယ်။
နှုတ်ခမ်းထောင့်မှာ ပေကျန်နေသည့် အဆီတချို့ကို မြင်တော့ မင်ပြုံးလိုက်ရင်း ဘေးနားက တစ်ရှူးတစ်ရွက်ကို ထယ့်လက်ထဲ ထည့်ပေးလိုက်သည်။
' ဖြေးဖြေးစား။ အစာမကြေဘဲနေမယ် '
ထယ်ဟာ သူ့စကားကိုပြုံးကာဖြင့် ဘေးကရေခွက်ကို ယူလိုက်ရင်း တစ်ငုံသောက်သည်။ နောက်နှုတ်ခမ်းတွေကို တစ်ရှူးနဲ့ ခပ်ကြမ်းကြမ်း ဖိသုတ်ရင်း သူ့ကိုကြည့်လာသည်။
' မင်.. '
မျက်ခုံးပင့်ပြတော့ သူသိချင်တဲ့ အမေးတွေကို တစ်သီတစ်တန်းကြီးဖြင့် မေးတော့သည်။ သို့သော် မင့်ဘက်က မေးခွန်းတွေကို မဖြေရှင်း ခေါက်ဆွဲကိုသာ စားလို့နေသည်။ ဒါကိုပင် ထယ်ဟာ စိတ်မရှည်တော့။
' မဖြေဘူးလားလို့ '
' မင် !! '
ဆူငေါက်ငေါက် ထယ့်စကားလေးကို ကြားလေတော့ မင်ဟာ နှစ်ခြိုက်စွာ ရယ်သည်။
ဒီပုံစံလေးကို မမြင်ရတာ ဘယ်လောက်တောင်ကြာပြီလဲ..
လက်ဒဏ်ရာကို ဂျွန့်ထံလက်လွှဲရင်း ဆေးရုံကိုထွက်လာတဲ့သူ.. သိပ်တောင်မကြာလိုက် ဆေးရုံအထိ လိုက်လာပြီး မင်ပဲဆေးထည့်ပေးဆိုကာ သူ့အပေါ်ဆိုးခဲ့ဖူးတဲ့ ကောင်ကလေး..
မဆုံးရှူံးချင်ဘူးဆိုတဲ့ စကားလေးနဲ့ ပေးအပ်လာတဲ့ မင်းထံမှ အကြင်နာ..
' တကယ်ကြီး မပြောပြတော့ဘူးလား '
မျက်ဝန်းလေးတွေကို သူငြင်းဆန်မည်လား.. ခပ်ဆူဆူ နှုတ်ခမ်းလေးတွေကိုရော သူကမျက်ကွယ်ပြုနိုင်မည်လား..
မြတ်နိုးရသူလေးနဲ့ သူဆိုတာ လွန်ခဲ့တဲ့ မိနစ်ပိုင်းလောက်ကမှ တွေ့ဆုံခွင့်ရခဲ့တာလေ..
အစွန်းဆုံအထိ ထွက်ပြေးလို့ ရပေမယ့် ကံကြမ္မာကြောင့် ပြန်ဆုံခဲ့တာပါလို့ ငါငြင်းဆန်မယ်..
ဒီလိုနဲ့ပဲ မင်းအနားလေးမှာ တိတ်တဆိတ် နေထိုင်သွားမယ်..
![](https://img.wattpad.com/cover/272084095-288-k490640.jpg)
YOU ARE READING
CLOVER - Volume 2 {Completed}
RomanceJeon Jung Kook × Kim Tae Hyung × Min Yoon Gi ~ 𝑭𝒐𝒓 𝒎𝒆, 𝑳𝒐𝒗𝒆 𝒊𝒔 𝑱𝒆𝒐𝒏 ~ ~𝑫𝒓𝒂𝒎𝒂 𝑭𝒂𝒏𝒇𝒊𝒄𝒕𝒊𝒐𝒏~ 𝐒𝐭𝐚𝐫𝐭 𝐃𝐚𝐭𝐞 - [ 2 𝐉𝐮𝐧𝐞 2021 ] 𝐄𝐧𝐝 𝐃𝐚𝐭𝐞 - [ 5 October 2021 ]