CLOVER - Volume 2 {Completed}

🍀52.2.Clover

Unicode

အငွေ့တထောင်းထောင်းနဲ့ ဟင်းရည်အိုးကို ဖွင့်လိုက်သည်။ စတီးဇွန်းလေးနဲ့ ခပ်ယူလိုက်ရင်း သောက်ကြည့်လိုက်တော့ အရသာက မဆိုးလှ။ ဟင်းချက်နည်း စာအုပ်တွေက အသုံးတော့ ဝင်သား။

ကြွေပန်းကန်လုံးလေးကို ယူလိုက်ရင်း တစ်ဝက်လောက် ခပ်ထည့်လိုက်သည်။ နောက်ထမင်း ပူပူလေးကိုပါ ခပ်ယူလိုက်ရင်း ဟင်းရည်ခွက်ထဲ ရောထည့်လိုက်သည်။ ဇွန်းသေးသေးလေးကို တပ်ပေးလိုက်ရင်း ထမင်းစားပွဲမှာ ထိုင်နေသည့် ဒုံဟွာလေး ရှေ့ချပေးလိုက်သည်။

' ဖြေးဖြေးစားနော်။ ပူတယ်။ '

' ဟုတ်။ '

ထယ်ဟျောင်းဟာ ခေါင်းလုံးလုံးလေးကို ခပ်ပွပွ ပုတ်ရင်း ပြောတော့ မျက်ဝန်းပြာလေးတွေနဲ့ ကလေးလေးက ခေါင်းလေးကို တစ်ချက်ညိတ်ကာ ထယ်ဟျောင်းကို ပြုံးပြသည်။

' ဖေဖေရောဟင် ဦးဦး..။ '

မျက်လုံးဝိုင်းဝိုင်းလေးက ဟိုဟိုဒီဒီ ကြည့်ရင်း ဂျွန့်ကိုမေးသည်။

' မင်းဖေဖေက အိပ်ပျော်နေတုန်းထင်တယ်။ ဦးဦးသွားခေါ်ပေးမယ် ခဏ '

ပါးဖောင်းဖောင်းလေးကို နမ်းလိုက်ရင်း ထယ်ဟျောင်း အခန်းထဲ ဝင်လာခဲ့သည်။ ညကအတိုင်း သူ့ဘက်လေးကို စောင်းအိပ်နေသည့် ဂျွန့်နားမှာ တင်ပါးလွှဲထိုင်လိုက်ရင်း ဆံပင်ပွပွကို သပ်တင်လိုက်သည်။ နဖူးကို တစ်ချက်နမ်းလိုက်ရင်း

' ဂျွန်။ မထချင်သေးဘူးလား။ '

လက်မောင်းကို တစ်ချက်လှုပ်ရင်း နှိုးတော့မှ နိုးစပြုလာသည်။ မျက်ဝန်းအိမ်တွေက သူ့ကိုမြင်တော့ ငေးကြည့်နေသည်။ ကုန်းရုန်းထရင်း ဂျွန်က သူ့ကိုပွေ့ဖက်သည်။

အရမ်းကြောက်နေခဲ့မှာပဲ... အမမိုင်ကို ပေးခဲ့တဲ့ ကတိ... ကိုယ်မတည်ခဲ့ဘူး။

' သားလေးက မင်းကိုရှာနေတယ်။ ညကလည်း မင်းကိုမတွေ့ရဘဲ အိပ်ပျော်သွားရတာ။ '

ထယ့်ပါးမို့မို့လေးကို တစ်ချက်ဖိနမ်းလိုက်ရင်း ဂျွန်က ခေါင်းညိတ်လိုက်သည်။

' မျက်နှာသစ်ပြီးလာခဲ့မယ်။ '

' မင်းအဆင်ပြေရဲ့လား။ မနေ့ညက တစ်ခုခု ဖြစ်လာတယ်ထင်တယ်။ '