Mr. Submissive

Part-14

ရေမိုးချိုးလို့ ပြီးစီးသွားတဲ့အခါမှာတော့ Lucifer ဟာ သူဝတ်နေကြ  hoodie ကို အရောင်မထပ်အောင် ထုတ်ကာ၊ ဒူးနဲ့ပေါင်မှာ အပြဲပါတဲ့ ဂျင်းဘောင်းဘီ တစ်ထည်နဲ့တွဲကာ ဝတ်ဆင်လိုက်လေသည်။ နောက်ပြီး သူစွတ်နေကြ mint ရနံ့ ရေမွှေးကို စွတ်လိုက်တဲ့ အခါမှာတော့ ပြင်ဆင်ခြင်းဟာ ပြီးဆုံးသွားပြီ ဖြစ်လေသည်။

သူက ဘယ်လောက်ပဲ တက်သစ်စ model တစ်ယောက်လို့ပဲ ပြောပြော ၊ HM က ဖြစ်တာမို့ Company ကပေးတဲ့ ခံစားမှုကတော့ အပြည့်ပင် ဖြစ်သည်။ ကိုယ်ပိုင် manager၊ကိုယ်ပိုင် stylist နဲ့ ဖြစ်တာမို့ shooting တစ်ခု သွားခါနီး  သူ့ဘက်က ဘာမှကို ပြင်ဆင်သွားစရာ မလိုပေ။

ပြီးနောက် နွှေးထားတဲ့ နွားနို့နွေးနွေးလေး တစ်ခွက်လုံးကို မော့လိုက်ကာ သူတို့ မောင်နှစ်မနှစ်ယောက် နေတဲ့ အိမ်ရှေ့ကို ထွက်လိုက်တော့ ခြံရှေ့မှာ Company ကပေးတဲ့ ကားက အဆင်သင့် ရပ်ထားသည်ကို တွေ့လိုက်ရသည်။

ညီမလေးက ကျောင်းသွားရတာမို့ Lucifer ခြံတံခါးကို သော့ခတ်ကာ ကားပေါ် ဝင်ထိုင်လိုက်တော့ manager ဖြစ်သူက သူ့ကို အပြုံးလေးနဲ့ နှုတ်ဆက်လေသည်။

*Morning Win ရေ။ ဒီနေ့တော့ ပင်ပန်းတဲ့ နေ့ပဲ *

*ကြိုးစားရမှာပဲ ဟက် *

သူ့ရဲ့ manager ဖြစ်သူဟာ Lucifer ထက် အသက် နှစ်နှစ်လောက် ကြီးပေမယ့်လဲ  နည်းနည်းတော့ ရှက်ကြောက်တတ်ပုံပေါ်လေသည်။ ဆံပင်ကို အရှေ့ဘက် မျက်စိဖုံးမတပ် ချထားပြီး အမဲရောင်လေးထောင့်ကိုင်းကြီးနဲ့ မျက်မှန်ကို တပ်ထားသဖြင့် ကြည့်ရတာနဲ့တင် လူကို လေးလံစေလေသည်။ ဒါပေမယ့် သူက အလုပ်လုပ်တာ သေချာပေသည်။ ခြေလက်လဲ ပေါ့ပါးသည်။  ​​ကြိုးလဲကြိုးစားတဲ့သူ ဖြစ်ပေသည်။ Lucifer ရဲ့ အမြင်အရတော့ သူ့ manager အနေနဲ့ဆို အဆင်ပြေလှပေသည်။

*ဒီမှာက အခု Win သွားရမဲ့ ပထမဆုံး program ရဲ့ script ပဲ။ Variety show လိုတော့ မဟုတ်ပေမယ့် ပေါ့ပေါ့ပါးပါး game လေးဆော့ပေးပြီး၊ fan တွေနဲ့ ဆက်သွယ်တဲ့ အပိုင်းလေးတွေပါလိမ့်မယ်။ script ကို အကျဥ်းချုပ်ဖတ်လိုက်ရင် အဆင်ပြေပါပြီ *

Manager ဖြစ်သူ လက်ထဲလာထည့်ပေးသည့် ipad ကို ကြည့်လိုက်တော့ အစီအစဥ်နာမည်က Hot sauce ဆိုတဲ့ အစီအစဥ်ဖြစ်လေသည်။ ဒီအစီအစဥ်ကို သူသိပါသည်။ ဒီအစီအစဥ်က လွန်ခဲ့တဲ့ နှစ်တွေကစပြီး  ဒီလောကမှာ လူကြိုက်များလာသည့် အစီအစဥ်တစ်ခု ဖြစ်ပေသည်။