Mr. Submissive

Part-42

အဖြစ်အပျက်တွေဟာ သိပ်ကို မြန်ဆန်လွန်းလှတာမို့ ဘာတွေ ဘယ်လိုဖြစ်ကုန်ကြလဲ မောင်မသိတော့၊၊ ခုဏကလေးတင် လူမိသွားသည့် အခန်းထဲကနေ အခု ကိုကိုကြီး၏ စာကြည့်ခန်းထဲအထိ မောင် ဘယ်လို မျက်နှာနှင့် လိုက်လာခဲ့သလဲ ဆိုတာလဲ မသိတော့ပေ၊၊
အခုထိ မောင့်ရဲ့ မျက်နှာထက် ရှက်စိတ်ကြောင့် ပူထူနေသည်မှာ ဘေးနားမှာ ထိုင်နေသည့် Lucifer ပါ ခံစားမိနိုင်လောက်သည်၊၊ 

မောင့်ရှေ့တည့်တည့်က ခုံကိုကြည့်လိုက်တော့လဲ ရေနွေးကြမ်းလေးသောက်ရင်း မောင့်အား ပုံမှန်အတိုင်းပင် ကြည့်နေသည့် ကိုကိုကြီးနှင့် ကိုကိုကြီးထိုင်နေသည့်ခုံ လက်ရန်းမှာပဲ ပူးကပ်ထိုင်ကာ မောင့်အား သိလိုစိတ်အပြည့်နှင့် ကြည့်နေသည့် နိုင်နိုင်းတို့ ရှိနေလေသည်၊၊ ကြည့်ရတာ အားလုံးဟာ မောင့်ပါးစပ်ကနေ တစ်ခုခုပြောလာမည်ကို စောင့်ဆိုင်းနေကြသည့်ပုံပင်၊၊

*ဟူး ...*

နောက်ဆုံးတော့လဲ မထူးတော့၊ မိသွားမှတော့ ဝန်ခံမှသာ ရတော့မည်မို့ မောင် သက်ပြင်းရှည်တစ်ခုကို ချကာ ဘေးက Lucifer ၏ ပေါင်ပေါ်မှာတင်ထားသည့် လက်ကို အပေါ်ကနေထပ်ကာ အုပ်ကိုင်လိုက်လေသည်၊၊

*အဟမ်း ... ဟုတ်တယ်၊၊ မောင်တို့နှစ်ယောက် တွဲနေကြတာပါ၊၊ နည်းနည်းတော့ ကြာပါပြီ *

မောင် ဒီလိုအခြေအနေမှာ မိသားစုတွေဆီမှာ မိသွားလျှင်တောင် ဒီလောက်ထိ အနေရခက်နေမည် မဟုတ်ပေ၊၊ အခုက ကိုကိုကြီးနဲ့ နိုင်နိုင်းရှေ့မှာ မိသွားတာ ဖြစ်ပြီး ကိုယ်တိုင် လေလုံးထွားထားသူမို့ အနည်းငယ် ရှက်မိနေခြင်း ဖြစ်ပေသည်၊၊

*ဒါဆို ကိုထူးတို့က တကယ်ကြီးပေါ့!! ၊၊ ဟို ...နိုင်နိုင်းဖြင့် ကိုယ်တိုင်မျက်စိနဲ့ မမြင်ရင် မယုံနိုင်ပေါင် *

နိုင်နိုင်း ပါးစပ်ကနေ ကိုထူးကို ဒီထပ်မက ရယ်ချင်သေးသော်လည်း ကိုထူးရဲ့ဘေးမှ အစ်ကိုကြီးရဲ့ အကြည့်တွေကို ကြောက်သည်မို့ အရမ်းကြီးလဲ မစရဲပေ၊၊ ဒါ့ကြောင့် ဘေးက Daddy နားသို့ ပိုကပ်ကာ တိုးထိုင်လိုက်လေသည်၊၊

*Win က ဟောဒီက နိုင်နိုင်းရဲ့ သူငယ်ချင်းမလေးရဲ့ အုပ်ထိန်းသူ မဟုတ်လား *