Mr. Submissive

Part-22

မောင်နဲ့ Lucifer ရဲ့ ပထမဦးဆုံး ညအပြီးမှာ romantic မဆန်စွာပင် မတွေ့ဖြစ်ကြတာ သုံးရက်မျှတောင် ရှိပေတော့မည်။ ညတိုင်း video call ပြောဖို့တောင် အနိုင်နိုင် အလုပ်များနေကြတဲ့ နှစ်ယောက်သားလုံးကြောင့် မောင့်ဘက်က report တင်ဖို့ ပျက်ကွက်တာများ ရှိလျှင်လဲ Lucifer က နားလည်ပေးထားလေသည်။

ဒါ့ကြောင်ပဲ မောင် တစ်ယောက်ကတော့ လွတ်ချင်တိုင်း လွတ်နေသည်လို့ ပြောလို့ရသည့် အခြေအနေကို ရောက်နေပေသည်။ ပုံမှန်လဲ ဒီကိစ္စတွေက မောင်လုပ်နေကြ ပေမယ့် Lucifer ရဲ့ ကန့်သတ်ချက်တွေနဲ့ အညီ လုပ်ရတဲ့ ကိစ္စတွေတော့ မဟုတ်ပေ။ ဥပမာပြောရရင် အလုပ်ကိစ္စအကြောင်းပြ dinner ပွဲဆက်တွေ တက်တာများလာတာ၊ သူငယ်ချင်းမိတ်ဆွေတွေနဲ့ အပျော်အပါး လုပ်တာ၊ အရက်သောက်တာ၊ ဆေးလိပ်သောက်တာ အကုန်စုံနေအောင်ပင် မောင် ပြန်လုပ်ဖြစ်နေပေသည်။

အဲ့လိုတွေ လုပ်နေတဲ့ အချိန်မှာ အပြစ်မကင်းသလို ခံစားရသလား ဆိုရင်တော့ မောင် ခံစားမိပါသည်။ ဆေးလိပ်သောက်နေရင်း Lucifer အကြောင်း တွေးမိလျှင် ဆေးလိပ်ငွေ့သီးမတပ်ဖြစ်တတ်ပြီး ကာရာအိုကေခန်းက ကောင်မလေးနဲ့ အတူ သီချင်းဆိုနေချိန်မှာလဲ လျှာကိုက်မိမလို ဖြစ်မိပါသေးသည်။

ဒါပေမယ့် ဒါတွေဟာ Lucifer နဲ့ မတွေ့ခင်ကတည်းက မောင် လုပ်နေကြ ရင်းနီးကျွမ်းဝင်တဲ့ ကိစ္စတွေမို့ စိတ်ကသာ အပြစ်မကင်းစိတ်နဲ့ ကြောက်နေပေမယ့် ခန္ဓာကိုယ်ကတော့ ထိုအရာတွေကို သိပ်ကြိုက်တယ်ထင်။ အရမ်းကို နေလို့ထိုင်လို့ ကောင်းလှသည်မှာ ငြင်းမရပေ။

ဒီနေ့မှာလဲ မောင်ဟာ ပိုရဲတင်းလာကာ သူငယ်ချင်း အရင်းကြီးတွေနဲ့ တစ်ပွဲတစ်လမ်း နွှဲရန် ဝိုင်းတစ်ဝိုင်းသို့ ရောက်နေခဲ့သည်။ အဲ့တာကတော့ အခြားမဟုတ် မောင့် သူငယ်ချင်းတစ်ယောက်ရဲ့ အပိုင် ကာစီနိုဝိုင်းမှာပင် ဖြစ်သည်။ ကာစီနိုဝိုင်း ဆိုကတည်းက ထုံးစံအတိုင်း ငွေနဲ့ဆော့မယ်။ အရက်သေစာရှိမယ်။ ဆေးလိပ်အပြင် အခြား သာယာစေမဲ့ အရာတွေလဲရှိသလို။ ဆော့နေရင်း လောင်လျှင် ဖြေသိမ့်ပေးမဲ့ အလှမယ်လေးတွေလဲ ရှိပေသည်။

မောင် လဲ ဒီညအတွက် ဆော့ရန် တစ်ရာ၊နှစ်ရာလောက် chip တွေလဲထားလိုက်ပြီး လက်ကြားထဲ စီးကရက်လေးညှပ်ကာ ပိုကာဆွဲရင်း အရင်ကလို Sugar daddy vibe အပြည့်နှင့်ပေါ့။