အပျော်ခရီးအနေနှင့် သွားခဲ့တဲ့ Bangkok ခရီးစဥ်ဟာ မထင်မှတ်ထားသည့် accident တစ်ခု ဖြစ်သွားခဲ့သဖြင့် သူသူတို့ တစ်အုပ်စုလုံး ခြေချုပ်မိနေသည့် ကာလပင် ဖြစ်ပေသည်၊၊ ကာယံကာရှင် နိုင်နိုင်းဆိုတဲ့ သကောင့်သားကလဲ သူတို့ကို နှုတ်ဆက်ခြင်းတောင်မရှိပဲ ဘယ်ဆီဘယ်ဝယ်သို့ ပျောက်သွားသလဲမသိပေ၊၊
သူသူကိုယ်တိုင်ကလဲ ကိုကို့ဆီက စောင့်ကြည့်ခြင်းခံနေရပြီး မကြာသေးမှီက ထပ်ကာ သတင်းထောက်များ၏ ကောင်းမှုနှင့် သူသူတို့ မောင်နှစ်မနှစ်ယောက် နေရာ အိမ်ကို သတင်းပေါက်သွားသဖြင့် ကိုကိုဟာ သူသူ့ကို သူလက်ရှိနေနေသည့် ကွန်ဒို၏ အပေါ်ထပ်တွင် အခန်းဝယ်ပေးကာ လာနေစေတော့သည်၊၊
ဒီနေ့ မနက်အဖို့တော့ အိမ်စပြောင်းကာစ သူသူဟာ အိပ်ယာနိုးလာတာနှင့် မနက်စာရယ်လို့ စားစရာတစ်ခုတောင် မရှာတွေ့တာမို့ ကိုကို့ရဲ့ အခန်းရှိရာ အထပ်သို့ ဆင်းလာပြီး မောင်နှစ်မနှစ်ယောက် မနက်စာအတူစားကြဖို့ စိတ်ကူးလိုက်လေသည်၊၊
ကိုကိုက အခန်း password ကို ပေးထားသည်မို့ သူသူလဲ bell မတီးနေတော့၊၊ ကိုယ်တိုင်ပင် ဖွင့်ကာ ဝင်လာလိုက်တော့သည်၊၊ ဒါပေမယ့် တံခါးဖွင့်ကာ ဝင်ဝင်ခြင်း အဝင်ဝမှာ ဖြစ်သလို ချွတ်ထားသည့် leather ဖိနပ်အကောင်းစားတစ်ရံကို တွေ့လိုက်ရတာမို့ သူသူ့ရဲ့ စိတ်ထဲ တစ်မျိုးတော့ ဖြစ်သွားတာ အမှန်ပင်၊၊
"ကိုကိုများ မနေ့ညက မူးလာလေသလား "
ဒါလဲမဟုတ်သေးပေ၊၊ ကိုကိုဟာ သူသူနဲ့ နှစ်ယောက်ထဲနေစဥ်ကလဲ အမြဲစည်းစောင့်ကာ နေတတ်ပြီး ဘယ်သောအခါမှ အိမ်ကို အရက်မူးပြီး ပြန်လာလေ့မရှိပေ၊၊ အမြဲ ပစ္စည်းတွေကို စနစ်တကျ ထားမှ ကြိုက်သည့် ကိုကိုဟာ ဖိနပ်ကို ဒီလို ချွတ်မှာတော့ မဟုတ်ပေ၊၊
"ဒါဆို ဒီဖိနပ်ပိုင်ရှင်က ကိုကိုများ မဟုတ်တာလား "
စသဖြင့် မေးခွန်းပေါင်း များစွာဟာ ဖိနပ်တစ်ရံကို တွေ့ရာကနေ သူသူ့ရဲ့ ခေါင်းထဲမှာ ပလုံစီကာ ရှိနေပေတော့သည်၊၊ ဒါ့ကြောင့် အခန်းထဲကို ဝင်လာလိုက်တော့လဲ အခြားလူတစ်ယောက်ရှိနေသည့် အရိပ်အယောင်ရယ်လို့လဲ မတွေ့တာမို့ သူသူစိတ်ထဲ အနည်းငယ် အေးသွားတော့သည်၊၊
YOU ARE READING
Mr. Submissive
Romance"A Master without a submissive is a guy. Just a guy. " #Quotestest.com