Mr. Submissive

Part-37

ဘာလိုလိုနဲ့ နိုင်နိုင်း ဤကျွန်းလေးပေါ်ရောက်ရှိနေတာ တစ်လကျော်ပင် ရှိပြီမို့ မကြာခင်မှာ ပြန်သွားရပေတော့မည်၊၊ ဒီကိုခြေစချကတည်းက ဖုန်းဆိုတာဝေး ၊နောက်ဆုံး Daddy နဲ့တောင် အဆက်အသွယ် မလုပ်ရတာမို့ ပြင်ပလောကမှာ ဘာတွေ၊ဘယ်လို ဖြစ်ပျက်နေသလဲ ဆိုတာ နိုင်နိုင်း ကိုယ်တိုင်လဲ မသိတော့ပေ၊၊

ရောက်ခါစကတော့ နေလောင်ဒဏ်တွေခံရ၊ တစ်သက်လုံး မလုပ်ဘူးတဲ့ ကိုယ်ကာယပိုင်းဆိုင်ရာ training တွေလုပ်ရတာမို့ နိုင်နိုင်း လုံးဝကို ဒီမှာနေရတာ သဘောမကျပေ၊၊ ဒီတိုင်း သူမရပ်မနား ဂျစ်ပြီး Daddy ပြန်မခေါ်ခေါ်အောင် လုပ်မည်လို့ တွေးခဲ့ဖူးပေသည်၊၊ ထိုအခါမှာတော့ Laila ဆီကနေ နရင်းအုပ်ခံလိုက်ရပြီး ဂုတ်ကနေ တစ်ရွတ်တိုက်ဆွဲကာ ပင်လယ်ရေထဲ ဆွဲနှစ်ခံခဲ့ရသေးသည်၊၊

*အား!!! ဘာလို့လဲ ! ကျွန်တော့်လိုလူက ဘာလို့ ဒီလိုနေရာမှာ လူသူမသိ နေရမှာလဲလို့ အား!!!*

ရေမွန်းပြီး ကမ်းပေါ် ပြန်ဆွဲတင်လာသည့်အခါက နိုင်နိုင်း သောင်ပြင်မှာ အော်ကြီးဟစ်ကျယ်နဲ့ ပြောခဲ့သည့် စကားဖြစ်သည်၊၊

*ဟက် ! မင်းက တကယ် Boss နဲ့ မတန်ဘူးပဲ *

ထိုစကားကို Laila ပါးစပ်ကနေ ကြားလိုက်ရတဲ့ အခါမှာ နိုင်နိုင်း လှုပ်ရှားနေမှုတွေ အားလုံး ရပ်တန့်သွားပြီး Laila ဆီသို့ ရန်လိုနေသည့် အကြည့်ဖြင့် စူးစူးရဲရဲ ကြည့်လိုက်သည်၊၊

*ခင်ဗျား ဘာစကားပြောတာလဲ ! *

နိုင်နိုင်းရဲ့ အော်သံကြီးဟာ ကမ်းခြေတစ်ခုလုံးကို ပဲ့တင်သံထပ်သွားစေလောက်သည်၊၊ သို့ပေမယ့် Laila ကတော့ သူပြောခဲ့သည့် စကားကို နောင်တရ ဟန်မရှိ၊၊ မပြောင်းလဲတဲ့ အကြည့်နဲ့ပဲ နိုင်နိုင်းထံသို့ တစ်ဖန် ကြည့်လာကာ ခိုင်ခိုင်မာမာ ပြောလာလေသည်၊၊

*မင်းကိုယ်မင်း မှန်မှာပြန်ကြည့်ပြီး သုံးသပ်သင့်တယ် နိုင်နိုင်း၊၊ မင်းဟာ Boss ရဲ့ သက်ဆိုင်သူ၊ Boss ရွေးချယ်ထားတဲ့ ဘဝလက်တွဲဖော်၊၊ မင်းဘဝတစ်လျှောက်လုံး Boss ဘာတွေ ဖြည့်စည်းပေးခဲ့သလဲ ၊၊ အခု Boss က ဘာကိုမျှော်လင့်ပြီး မင်းကို ဒီနေရာထိ ပို့လိုက်သလဲ၊၊ မင်း စဥ်းစားဖူးသလား!
ဘယ်စဥ်းစား ဖူးပါ့မလဲ ၊၊ မင်းက Boss ဆီကနေပဲ ပေးလာတာကို မျှော်လင့်နေတာ၊၊ မင်းအနေနဲ့ Boss ကို တစ်ခုခု ပြန်လုပ်ပေးရမယ်လို့တောင် အတွေးထဲရှိခဲ့ဖူးတာမှ မဟုတ်တာ! *