Mr. Submissive

Part-61

မောင် စီးနင်းလာသည့် BMW ကား အဖြူလေးဟာ နှစ်နာရီခန့်လောက် မောင်းပြီးသည့် အခါတွင် မြို့အပြင်ဘက်ရှိ စက်မှုဇုန် အဟောင်း တစ်ခုအတွင်းသို့ ရောက်ရှိလာတော့သည်၊၊

အသုံးမပြုတာ ကြာပြီဖြစ်သော နေရာဖြစ်သော်လည်း ရိုက်ကူးရေး ရှိတာမို့ ထိုနေရာတစ်ခုလုံးဟာ အထီးကျန်ဆန် မနေပဲ လူများ၊စက်ပစ္စည်းများနှင့် ရှုပ်နေကြတော့သည်၊၊ ထို့နောက် မောင့်ရဲ့ ကားလေးကို ရိုက်ကူးရေး လုပ်မည့် ဂိုထောင်ရှေ့တွင် ရပ်စေလိုက်ကာ မောင်ကတော့ နေကာမျက်မှန်ကို ထုတ်ကာ တပ်လိုက်ပြီး အပြင်ဘက်သို့ ထွက်လာခဲ့လိုက်တော့သည်၊၊

မောင် ကားပေါ်က ဆင်းလာလာခြင်းမှာပင် ရိုက်ကွင်းတစ်ခုလုံး၏ အာရုံဟာ မောင့်ထံမှာပင် စုစည်းလာလေတော့သည်၊၊ ထို့ကြောင့် မောင်လဲ အားလုံးကိုခြုံကာ အသာလေးပြုံးပြလိုက်ပြီး ဘယ်သူနှင့်မှ နှုတ်ဆက်မနေတော့ပဲ Lucifer ရှိရာ သို့သာ တန်းမတ်စွာ သွားလိုက်တော့သည်၊၊

*အာ ...Boss ရောက်လာတာပဲ *

ရိုက်ကွင်းအတွက် setting ချနေသည့် နေရာရောက်သည့်အခါ coffee ဘူးတစ်ဘူးကိုင်ကာ ပြေးလွှားနေပုံပေါ်သည့် Lucifer ၏ မန်နေဂျာလုပ်သူနဲ့ မောင်တွေ့လိုက်ရတော့သည်၊၊

*အတော်ပဲ၊၊ ကိုယ် Win ဆီသွားမလို့ ၊ သူ့နေရာက ဘယ်မှာလဲ *

*Win က နောက်ထပ် ရိုက်ကွင်းမစခင် ခဏ အနားယူချင်တယ်ဆိုလို့ နားနေခန်း နံပါတ် ၂ မှာ ရှိနေပါတယ် Boss *

ထိုမန်နေဂျာလေး၏ စကားအား မောင် အသိအမှတ်ပြုဟန် ခေါင်းတစ်ချက်ငြိမ့်ပြလိုက်ကာ လက်ထဲမှ Ice Americano ဘူးလေးအား ဆွဲကာယူလိုက်သည်၊၊

*ဒါ Win အတွက် မဟုတ်လား၊၊ ကိုယ်ပဲ ယူသွားပေးလိုက်တော့မယ် ၊၊ မင်း လုပ်စရာရှိတာတွေ လျှောက်ပတ်လုပ်နေလိုက်ဦးနော် *

မောင် စကားအား မသိမသာ လှည့်ပတ်ပြောကာ မန်နေဂျာကောင်လေးအား အဝေးသို့ ရှောင်ခိုင်းလိုက်ပြီး ခြေလှမ်းတို့က တက်ကြွစွာနှင့်ပင် နားနေရန် လုပ်ထားပေးသည့် ယာယီ အခန်းလေးများဘက်သို့ သွားလိုက်လေတော့သည်၊၊

ထို့နောက် နံပါတ်ပြားလေးတွေ တန်းစီနေသည့် အခန်းများရှိရာသို့ရောက်သည့်အခါ နံပါတ်၂ ဟု တပ်ထားသည့် အခန်းဝရှိ လိုက်ကာအား ဖွင့်လိုက်သည့် အခါ dream bed တစ်ခုအပေါ်တွင် မျက်လုံးများမှိတ်ကာ အနားယူနေဟန်ပုံပေါ်သည့် Lucifer အား တွေ့လိုက်ရတော့သည်၊၊