Mr. Submissive

Extra-2 (Valentine Day special)

Empire Group၏ ဥက္ကဋ္ဌ ရုံးခန်းထဲ၌ အလုပ်စားပွဲတွင် ကျကျ နနခြေချိတ်ကာ ထိုင်နေသည့် မောင်ဟာ သူ့အရှေ့ရှိ Laptop မျက်နှာပြင်အား ကြည့်ကာ အတွေးကြပ်လို့ နေလေတော့သည်။  ရွှေရောင်မျက်မှန် ကိုင်းအောက်က မျက်လုံးလေးတွေဟာ တွေဝေနေမှုတို့ အပြည့်နှင့်ပင်။

Screen ပေါ်၌ ပြနေသည့် အရာများကတော့ နောက်နှစ်ရက်နေလျှင် ကျရောက်တော့မည့် ချစ်သူများနေ့အတွက် အင်တာနက်ပေါ်၌ ဟိုဟိုဒီဒီ အကြံပေးထားသည့် post များပင် ဖြစ်လေသည်။

ခုံပေါ်၌ လက်မှတ်ထိုးရမည့် ဖိုင် အထပ်လိုက် ရှိနေသော်လည်း မောင် ထိုဘက်သို့ အာရုံမရောက်နိုင်သေးပေ။ သူ့အနေနဲ့ Lucifer အတွက် heart ထိ သွားစေနိုင်လောက်မည့် လက်ဆောင်တစ်ခုအား ပေးချင်လွန်းသည့်အတွက် အာရုံစိုက်နေရသောကြောင့်  ဖြစ်ပေသည်။

မောင်နှင့် Lucifer နှစ်ယောက်သားလုံးဟာ တစ်ခါတစ်ရံဆို တစ်ပတ်အတွင်း နေ့တိုင်း မတွေ့ရသည့် အခါများလဲ ရှိတတ်ပေသည်။မောင်က အလုပ်ကိစ္စနှင့် ခရီးသွားရသည့် အခါများလဲရှိသလို မော်ဒယ်အလုပ်ကြောင့် နိုင်ငံခြား runway တွေ မကြာခဏလျှောက်ပေးနေရသည့် Lucifer ကလဲ တစ်လလျှင် နှစ်ခေါက်လောက်ကတော့ အမြဲ ရပ်ဝေးခရီးသွားနေရတတ်ပေသည်။ သို့သော် နှစ်ယောက်လုံးဟာ အလုပ်များနှင့် မအားလပ်ကြသော်လည်း တစ်ယောက်အပေါ် တစ်ယောက် ဂရုစိုက်မှုကတော့ ဘယ်သောအခါမှ လျော့သွားလေ့မရှိပေ။

ဘယ်လောက်ပဲ ကျင်လည်နေကြသည့် နယ်ပယ်ခြင်း မတူကြသော်လည်း မောင်တို့ နှစ်ယောက်ဟာ တစ်ယောက်အပေါ် တစ်ယောက် ယုံကြည်မှုနှင့် ချည်နှောင်ထားကြပေသည်။ မောင့်ဘက်ကနေစကာ ဘယ်သောအခါမှ ဖောက်ပြားမှာ မဟုတ်သလို၊ Lucifer ကလဲ မောင့်အပေါ်သို့ ဘယ်တော့မှ သစ္စာမဲ့မှာ မဟုတ်ပေ။

ထို့ကြောင့် တစ်ယောက်ကိုတစ်ယောက် ဂရုစိုက်သည့် အကြောင်းကို မောင်တို့နှစ်ယောက်စလုံးဟာ ကိုယ်ပိုင်နည်းလမ်း‌တွေနှင့် ဖော်ပြလေ့ရှိကြပေသည်။ ထိုအထဲမှ မောင်သည်လဲ ချစ်ကြသူတိုင်းအတွက် အရေးပါသည့် ထိုနေ့လေး၌ Lucifer အား တစ်လောကလုံးကို အပိုင်စားရ‌နေသလို ခံစားချက်မျိုးရအောင်  လက်ဆောင်တစ်ခုပေးချင်မိပေသည်၊၊