Part-41

11.9K 696 77

by LilyLittle_Sexy

by LilyLittle_Sexy

ကြီးကျယ်ခမ်းနားလှသည့် ခြံဝန်းကြီးထဲရှိ စံအိမ်ကြီးတွင်တော့ ယခင်နေ့များကဲ့သို့ အစေခံများနှင့် ပြာပန်းခတ်မနေပေ၊၊ အကြောင်းမှာ စံအိမ်သို့ တစ်စိမ်းလူတစ်ယောက် လာပြီး ထိုညနေမှာပင် အရှင်သခင်ကြီးမှ အလုပ်သမားများအား တစ်ယောက်မကျန် အကုန်လုံးကို တန်းလျားဘက်သို့ သွားနေရန် အမိန့်ပေးလာသောကြောင့် ဖြစ်ပေသည်၊၊ ထို့ကြောင့် မီးထိန်ထိန်လင်းနေသည့် စံအိမ်ကြီးမှာ ဒီညအဖို့တော့ အထီးကျန်ဆန်လှစွာနှင့် ရှိနေရပေသည်၊၊

သို့သော်လည်း တိတ်ဆိတ်နေသည့် အိမ်ကြီးနှင့် ဆန့်ကျင်စွာပင် တစ်ခုသော အခန်းလေးထဲတွင်တော့ ကြာပွတ်သံ တစ်ရွှမ်းရွှမ်းနှင့် လူတစ်ယောက်အား အပြင်းအထန် ရိုက်နှက်နေသည့် အသံဟာ ကြီးစိုးနေလေသည်၊၊

ရွှမ်း !

*မင်းကြောင့် ! အဲ့တာ မင်းစောက်သုံးမကျလို့ ငါအပြောခံခဲ့ရတာ *

ရွှမ်း !

*မင်းကြောင့် ! အဲ့လို ဘာမဟုတ်တဲ့ အကောင်ဆီကနေ ငါ အပြောအဆိုခံခဲ့ရတာ ! အဲ့တာမင်းကြောင့် !!!!*

ရွှမ်း!

*ဘာလို့ အဲ့ကောင်ကိုပဲ တမ်းတမ်းစွဲ ဖြစ်နေရတာလဲ !! ဘာလို့လဲ !! အဲ့ကောင်က ငါ့ထက် ဘာများသာနေလို့လဲ !!!*

ရွှမ်း! ရွှမ်း ! ရွှမ်း !

ဦးဖုန်းမြင့်အောင်မှာ ခုံတစ်ခုံထက် ထိုင်နေရင်း သူ့အရှေ့မှာ လက်နှစ်ဖက်ကို မြှောက်ကာ ကြိုးချည်ခံထားရပြီး ဘာအဝတ်အစားတစ်စက်မှ မကပ်နေသည့် သွယ်လျသည့် ခန္ဓာကိုယ်လေးကို အသည်းအသန်ပင် ရိုက်နှက်လို့ နေလေသည်၊၊ အရိုက်ခံရသည့် အလှလေးမှာ အခြားသူတော့ မဟုတ်၊၊ သူ့ရဲ့ အသည်းစွဲလေး ဇမ်ပင် ဖြစ်သည်၊၊

ဒီနေ့အဖို့ သူ့လောက်မှ အဆင့်မရှိသည့် ထိုအကြောက်အလန့်မရှိသည့် လူတစ်ယောက်ထံမှ တစ်ကူးတစ်က အိမ်ထိလာပြီး စော်ကားခံလိုက်ရသဖြင့် သူ့ရဲ့ ဒေါသတွေဟာ အစိုးမရချင်တော့၊၊ သူ့လို ဘယ်သူမှတောင် မော်ကြည့်ဖို့ မဝံ့သည့် သြဇာတိက္ကမနှင့် ပြည့်စုံသည့် သူကို ၊ မျက်လုံးချင်း စေ့စေ့ကြည့်ကာ သတိပေးသွားသည့် ကောင်ဟာ သူ့ရဲ့ အလေးပေးခံရဆုံး၊ သူအချစ်ရဆုံး၊ သူ့ရဲ့ အသည်းလေး ဇမ်က တမ်းတမ်းစွဲနေသည့် ကောင်ဖြစ်နေလေသည်၊၊ ဒါ့ကြောင့် ဘယ်လောက်ပင် ချစ်ပါစေ အတ္တကြီးလှသည့် သူ့အဖို့ ဒီကိစ္စကို အလွယ်လေးနှင့် ကျော်သွားမပေးနိုင်ပေ၊၊ အဓိက တရားခံဖြစ်သည့် ဇမ့်ကိုသာ စံအိမ်အထိ ဆွဲခေါ်လာစေကာ အသည်းအသန် ဒေါသတို့ကို ပုံချပစ်လိုက်တော့သည်၊၊

Mr. Submissive

Part-41

Promoted stories

You'll also like