Mr. Submissive

Part-43

HM Entertainment ၏ အဆောက်အဦးအတွင်း အခုရက်ပိုင်းအတွင်း Empire ဘက်မှ ကိုယ်စားလှယ်ဆိုသူဟာ အမြဲလိုလို လွတ်လပ်စွာ ဝင်ထွက်သွားလာနေသဖြင့် Company က လူများမှာ ဇမ့်အား သတိထားမိနေပြီ ဖြစ်သည်၊၊

ရွှေလင်ဗန်းနဲ့အချင်းဆေးကာ ခြေမွှေးမီးမလောင်၊လက်မွှေးမီးမလောင် နေခဲ့ရပုံရသည့် ဇမ့်အား လှပလွန်းသည့် ရုပ်ရည်ကြောင့်သော်လည်းကောင်း၊ Empire ၏ အမွေဆက်ခံသူ ဖြစ်သည်ကတစ်ကြောင်း၊ စသည့် အချက်များကြောင့် မိန်းကလေး၊ယောကျ်ားလေးမကျန် company ရှိ ဝန်ထမ်းများဟာ  ဇမ့်အား မျက်စိကျလျက် ရှိကြလေသည်၊၊

သို့ပေမယ့် သူတို့ခမျာ ထိုမာနမင်းသားလေးကို ဝေးဝေးကနေသာ ငေးကြည့်ခွင့် ရကြပြီး  အတင်းဝင်ရောဖို့ ကြိုးစားသူတိုင်းဟာ မျက်ရည်ပိုးပိုးပေါက်ပေါက်ကျအောင် အပြောခံရသူနှင့်၊ အထိုးခံရသူ၊ ပါးရိုက်ခံရသူ စသည့် လူအမျိုးအစားများသာ ပေါ်ထွက်လာခဲ့ရတော့သည်၊၊

Company ရှိ ဝန်ထမ်းများကသာ ဇမ့်အား အမျိုးစုံ မှတ်ချက်တွေပေးကာ အာရုံရှိနေသလောက်၊ သူတို့၏ Boss ဖြစ်သူကတော့ ထိုမင်းသားလေးအား သိပ်ကြည်ပုံမရမှန်း သူတို့တွေ ရိပ်မိလာကြတော့သည်၊၊ တစ်ဖက်မှာလဲ ဇမ်ဟာ သူတို့ Boss အား လက်ရဲဇက်ရဲနဲ့ ထိကိုင်တာ၊ Honey ချင်းထပ်နေအောင် ခေါ်တာတွေကို မြင်တွေ့လိုက်ရတော့ ဝန်ထမ်းများ၏ ပါးစပ်ဖျား၌ ဇာတ်လမ်း မျိုးစုံပင် ထွက်ပေါ်လာလေတော့သည်၊၊

မောင် ဒီနေ့အတွက် company မှာ အရေးကြီးသည့် project ကို ဆွေးနွေးစရာရှိသည်မို့ အချိန်မှန်စွာပင် Company သို့ ရောက်လာခဲ့လေသည်၊၊ Company ၏ lobby ရှေ့ မောင့်ရဲ့ ကားလေး ရပ်သွားသည့်အခါ ပြည့်စုံက အဆင်သင့်ပင် ကားတံခါးလာဖွင့် ပေးလေသည်၊၊
မောင်လဲ လက်ထဲက ipad ကို ပိတ်ကာ ရွှေရောင် မျက်မှန် ကိုင်းလေးကို ပင့်ရင်း အပြင်ဘက်သို့ ခြေချလိုက်တော့သည်၊၊

*Morning Boss ၊၊ အချိန်မှန်ပဲနော် ဟီး *

*meeting မစခင် coffee တစ်ခွက်ပြင်ထားပေး *

မောင် လက်ထဲက ipad ကို ပြည့်စုံလက်ထဲ ပစ်ထည့်ကာ အရင်ဦးဆောင်ပြီး Company ထဲ ဝင်လာလိုက်တော့သည်၊၊ အမြဲလိုလို ကိုယ်စီအလုပ်တွေနှင့် သူ့ကိုတောင် အာရုံသိပ်မရှိသည့် ဝန်ထမ်းများဟာ ယနေ့တော့ သိသိသာသာကို သူ့အားအာရုံစိုက်နေသလို မောင် ခံစားလိုက်ရသဖြင့် ဖြောင့်တန်းနေသည့် မျက်ခုံးတန်းတို့ဟာ တွန့်ချိုးသွားရလေတော့သည်၊၊