Wanning! Pet Play
Your Desire Bar & xxx..ဆိုသည့် စာတန်းအောက်တွင်ရပ်ကာ မောင် ငေးကြည့်လို့နေလေသည်၊၊ Lucifer နှင့် စာချုပ်ချုပ်ဆိုပြီး နောက်ပြီး ခြေဦးတောင်မလှည့်ဖြစ်ခဲ့သည့် ဤ Bar လေးထံသို့ ယခုအခါ မောင်တစ်ဖန် ပြန်လည် ခြေချခဲ့ရပြီ ဖြစ်လေသည်၊၊ သို့သော် ပျော်ပါးဖို့တော့ မဟုတ်၊ အပြစ်ပေးခံရန် ရောက်လာခဲ့ ခြင်း ဖြစ်ပေသည်၊၊
အစာအိမ်ရောင်ကာ အစည်းအဝေးခန်းထဲ လဲကျသွားခဲ့သည့် နေ့မှစရေတွက်လျှင် ယနေ့ဟာ တစ်ပတ်တိတိ ပြည့်တဲ့ နေ့ဖြစ်ပြီး မောင့်အနေနဲ့ ခန္ဓာကိုယ်တစ်ခုလုံး အပြည့်အဝ ပြန်လည် ကျန်းမာလာတဲ့ နေ့လဲ ဖြစ်ပေသည်၊၊
မောင် ဆေးကြောင့် အိပ်ပျော်နေရာကနေ နိုးထလာတဲ့အခါ Lucifer ၏ မျက်နှာအား တွေ့လိုက်ရသည့် ထိုနေ့ကဆိုလျှင် ချက်ချင်းပင် ခံစားနေရသည့် ဝေဒနာများ ဘယ်ဆီဘယ်ဝယ် ရောက်သွားခဲ့သလဲ ဆိုတာကိုတောင် သတိမထားမိတဲ့ အထိပင်၊၊ သို့သော် ဒီလို ရောဂါဖြစ်သွားလို့ Lucifer ဆီကနေ သနားညှာတာမှုကို ရမည်ဟု မထင်ပါနှင့်၊၊ မောင့်အနား တစ်ချိန်လုံးသာ ရှိနေပေမယ့် Lucifer ဟာ မောင့်အား လိုတာထပ်ပိုသည့် စကားတစ်ခွန်းမှ မပြောပဲ အေးတိအေးစက်သာ ဆက်ဆံခဲ့ခြင်း ဖြစ်လေသည်၊၊ မောင့်ဘက်က အကြိမ်ကြိမ် နမ်းရန် ကြိုးစားကြည့်ပေမယ့်လဲ တစ်ကြိမ်ကလေးမှတောင် အခွင့်အရေးမပေးခဲ့ပေ၊၊
ထိုကဲ့သို့ပဲ မောင့်အား သုံးရက်တိတိ အနီးကပ် ပြုစုသွားကာ ပြန်သွားသည့် နေ့မှာတော့ တစ်ခွန်းတည်းသာ မှာခဲ့လေသည်၊၊
*တစ်ပတ်ပြည့်တဲ့နေ့ကြရင် Your Desire Bar ကို အပြစ်ခံယူဖို့ လာခဲ့ !* ဟူသည့် ရာဇသံတစ်ခုသာ ပေးခဲ့ခြင်း ဖြစ်ပေသည်၊၊ မောင့်အနေနဲ့ကလဲ ငြင်းဆန်ရန် ဆန္ဒမရှိနေပေ၊၊ Lucifer နဲ့ အေးစက်နေသည့် ဆက်ဆံရေးထက်စာလျှင် မောင့်အား သုံးရက်လောက် မထနိုင်အောင် အပြစ်ပေးလိုက်တာကမှ ခံသာသေးသည်ဟု တွေးမိလေသည်၊၊
ဒါတင်မကသေး Lucifer ဘက်က မောင့်အနေနဲ့ medical check up လုပ်နိုင်ရန် ကြိုတင် စာရင်းပေးထားသည်ဟု ဆေးရုံမှ အကြောင်းကြားလာသဖြင့်
မောင် ဒီကိုမလာခင် Dr.ခန့်ညား၏ ဆေးရုံသို့လဲ ဝင်ခဲ့ရသေးသည်၊၊
YOU ARE READING
Mr. Submissive
Romance"A Master without a submissive is a guy. Just a guy. " #Quotestest.com