Mr. Submissive

Part-21

တီ! တီ! တီ! ...

နှစ်ခြိုက်စွာ အိပ်စက်နေတဲ့ မောင် ဟာ မနက်စောစောမှာပင် alarm ရဲ့ ဆူညံလှတဲ့ အသံကြောင့် နိုးလာရတော့သည်။ လူက နှစ်နှစ်ခြိုက်ခြိုက် အိပ်စက်ထားတာမို့ မအိပ်ခင်က ဘာတွေလုပ်ထားသလဲဆိုတာကို ခေါင်းထဲမှာ အတွေးမရောက်မိပေ။ ဒါ့ကြောင့် အိပ်ချင်မူးတူးနဲ့ပင် မောင် ရုတ်တရက် ကောက်ထကာ မြည်ဟီးနေတဲ့ alarm ဆီသို့ လက်လှမ်းလိုက်​လေသည်။ 

*အ့!  အ့!  fu*k!  *

လူကသာ ထလိုက်ပေမယ့် ရုတ်တရက် ထိုးကိုက်လာတဲ့ အောက်ပိုင်း တစ်နေရာကြောင့် မောင့်ရဲ့ လှုပ်ရှားမှုအားလုံးဟာ ရပ်တန့်သွားရလေသည်။ ထိုအခါမှ ဦးနှောက်ကလဲ အလုပ်လုပ်သည်ထင် ၊ ညက Lucifer နဲ့ မောင် ကဲခဲ့တဲ့ မြင်ကွင်းများဟာ အတွေးထဲမှာ တစ်ရိပ်ရိပ် ပေါ်လို့လာတော့သည်။

တစ်နေကုန် အလုပ်ပင်ပန်းခဲ့တဲ့ Lucifer ဟာ မောင့်ကို စားသုံးကာ အားပြန်ဖြည့်သလား အောက်မေ့ ရလောက်အောင်၊ ကြမ်းတမ်းပေသည်။ မောင့် ရဲ့ ပထမဆုံး အကြိမ်မှန်း သိပေမယ့် Lucifer က မောင့်ကို တစ်ကြိမ်တည်းနဲ့ လွှတ်မပေးခဲ့ပါ။ မောင့်ကိုပါ ရုန်းမထွက်နိုင်အောင်၊ မောင့်ပါးစပ်က ငြင်းဆန်တဲ့ စကား ထွက်မလာအောင် မောင့်အပေါ် ကြမ်းတစ်ခါ၊ချော့တစ်လှည့် နည်းမျိုးစုံနဲ့ ပြုစားကာ သူအလိုရှိသည့် ပန်းတိုင်အထိ ရောက်အောင် ခေါ်သွားခဲ့ခြင်းဖြစ်ပေသည်။

မောင်ကော မသာယာခဲ့ဘူးလားလို့မေးရင် ကြိမ်းသေပေါက် သာယာခဲ့တာပေါ့။ မောင့် အတွက်တော့ Lucifer နဲ့ ဖြတ်သန်းခဲ့တဲ့ ပထမဆုံးညဟာ အကောင်းဆုံးပင် ဖြစ်သည်။

ခုတော့ ကဲတာများထားတာမို့ လူက တစ်နေ့လုံး ခံစားရပေတော့မည်။ အင်း... တန်ပါတယ်လေ။

*ဟက်...*

မောင် ကိုယ့်ဟာကိုယ် ပြန်တွေးကာ ပြုံးလိုက်မိသည်။ ထို့နောက် အခန်းထဲကို ဝေ့ကြည့်လိုက်တော့ Lucifer နဲ့ တူတဲ့ အရိပ်အယောင်တောင် မတွေ့ရပေ။ ပထမဆုံး အကြိမ်ရဲ့ မနက်ခင်းကို Lucifer နဲ့ အတူ နိုးထချင်ပေမယ့် နှစ်ယောက်သားလုံးက အလုပ်များလွန်းသည်မို့ စိတ်ကူးသပ်သပ်သာ ရှိပေသည်။