Mr. Submissive

Part-64

စနိုးလာခြင်းနေ့မှာတင် မောင် တွေ့ကြုံခဲ့ရသည့် ကိစ္စများဟာ မောင့်ခန္ဓာကိုယ်၏ ခံနိုင်ရည် limit ထက် ကျော်လွန်သွားတာမို့ မေမေပြန်သွားပြီး မကြာပင် မောင် အမှောင်ထုထဲသို့ တစ်ဖန်ကျရောက်သွားခဲ့ရတော့သည်၊၊

ထို့နောက် ဒုတိယအကြိမ်မြောက် မောင် ပြန်နိုးထလာသည့်အခါ နောက်တစ်နေ့၏ နေ့လည်ခင်းပင် ရောက်ရှိနေခဲ့ပြီ ဖြစ်လေသည်၊၊ ဒီတစ်ခါတော့ မောင် မျက်လုံးဖွင့်ဖွင့်ချင်း သတိရသည့် သူဟာ Lucifer ပင် ဖြစ်ပေသည်၊၊

မောင် လှုပ်ရှားလာသည်ကို မြင်သည့်အခါ ပြည့်စုံဟာ ထိုင်နေသည့် ခုံမှ ထလာကာ မောင့်အနားသို့ ရောက်လာလေတော့သည်၊၊

*Boss နိုးလာပြီပဲ၊၊ ရေဆာလားဟင် ၊၊ ကျွန်တော် ရေပေးရမလား *

ပြည့်စုံ၏ အမေးကြောင့် မောင် ခေါင်းသာ ငြိမ့်ပြလိုက်တော့သည်၊၊ တကယ်လဲ မောင့်ပုံစံဟာ ကန္တာရထဲမှာ မရပ်မနားခရီးနှင်ထားရသည့် သူပမာ လည်ချောင်းများ ခြောက်သွေ့နေသည်ကို ခံစားမိသောကြောင့် ဖြစ်ပေသည်၊၊

ထို့နောက် မောင် ရေသောက်ပြီးနောက်တွင် အခန်းထဲသို့ ယမန်နေ့က မောင့်၏ တာဝန်ကျ ဆရာဝန်ဖြစ်သူကပင် တစ်ဖန် ပြန်ရောက်လာလေတော့သည်၊၊

*ကဲ ! လူကြီးမင်း တစ်ဖန် ပြန်နိုးလာတဲ့ အတွက် ဝမ်းသာပါတယ်ဗျာ၊၊ ဒီတစ်ခေါက်တော့ စိတ်လေးလျော့ဖို့ ကျွန်တော်ကပဲ မေတ္တာရပ်ခံပါရစေ၊၊ လူနာ့ရဲ့ လက်က ဒီတစ်ခါပါ ချုပ်ရိုးထပ်ပြေရင် လေးခါမြောက် ထပ်ချုပ်ရတော့မှာ၊၊ အနာရွတ်က အတော်လေး အကျည်းတန်စေလိမ့်မယ် *

ထိုဆရာဝန်၏ စကားကြောင့် မောင် အားတုံ့အားနာစွာနှင့်ပင် ပြုံးကာ ခေါင်းငြိမ့်ပြလိုက်လေတော့သည်၊၊ ကိုယ့်ကိုကိုယ် အရမ်းကြီး လွတ်ထွက်နေမှန်း မောင်သတိထားမိပါသည်၊၊ သို့သော် မောင် ဘယ်လိုနည်းနဲ့မှ စိတ်အေးအေးထားနိုင်မှာ မဟုတ်ပေ၊၊

ထို့နောက် ဆရာကြီးဟာ မောင့်အား လိုအပ်သည်များကို စစ်ဆေးကာ မေးခွန်းအနည်းငယ် မေးပြီးနောက် ဆောင်ရန်ရှောင်ရန်များကို ပြောကာ တစ်ဖန် အခန်းထဲက ထွက်သွားလေတော့သည်၊၊