Mr. Submissive

Part-57

*Dating rumor တော့ လုံးဝမဖြစ်ဘူးလို့ Company ဘက်က အစတည်းက ပြောထားတယ် မဟုတ်ဘူးလား!*

မောင့်ရဲ့ မာထန်နေသည့် လေသံကြောင့် Lucifer နှင့် ကာရံ၏ manager များတင်မကပဲ အခန်းထဲရှိ တာဝန်ရှိသူ ဝန်ထမ်းများဟာ ခေါင်းပင် မဖော်နိုင်တော့ပေ၊၊ သူတို့ ကိုယ်တိုင်လဲ ဘာမှမသိလိုက်ခင် ဖြစ်သွားသည့် ကိစ္စမို့ Boss ဆူလျှင်လဲ ခံရုံသာ ရှိပေတော့သည်ဟု ဆုံးဖြတ်ထားကြပုံပင်၊၊

*ကျွန်တော်တို့ company ဘက်ကတော့ ဒီ ကိစ္စနဲ့ ပက်သက်ပြီး သိပ်ပြီး ဆတ်ဆတ်ထိမခံ မဖြစ်မိပါဘူး၊၊ နဂိုကတည်းက ဇာတ်လမ်းက bromance ပဲမို့ မင်းသား နှစ်ယောက်ကြား skinship လောက်ကတော့ ပါနေမှာမို့ပါ*

အားလုံးဟာ တိတ်ဆိတ်နေကြပေမယ့် ကာရံ၏ မန်နေဂျာဖြစ်သူဟာ HM က ဝန်ထမ်းမဟုတ်ပဲ NNN လက်အောက်ခံမို့ မောင့်အား ပြန်ခံပက်ကာ သူ့ idol အား စတင် ကာကွယ်လေတော့သည်၊၊

ထိုမန်နေဂျာ၏ စကားကြောင့် မောင့်ရဲ့ မျက်ခုံးတစ်ဖက်ဟာ မြင့်တက်သွားပြီး လူတတ်ကြီး လာလုပ်နေသည့် မန်နေဂျာဖြစ်သူအား စူးစိုက်ကာ ကြည့်ပေးလိုက်လေသည်၊၊

*အခု အရိုက်ခံထားရတဲ့ ပုံက ဇာတ်လမ်းထဲက skinship လား၊ ရိုက်ကွင်း နောက်ကွယ်က skinship လားဆိုတာ မသိနိုင်လောက်အောင် NNN က ဝန်ထမ်းတွေက သိပ်ညံ့နေပြီလား*

မောင့်ထံမှ အေးစက်နေသည့် အကြည့်နှင့် မာထန်နေသည့် လေသံကြောင့် ကာရံ၏ မန်နေဂျာဟာ ခဏတော့ တိတ်ဆိတ်သွားလေတော့သည်၊၊ ထို့နောက် မောင့်အား ရန်တွေ့နေသည့် အကြည့်တို့ကို ရုတ်သိမ်းကာ ဟိုဟိုဒီဒီလျှောက်ကြည့် နေလေသည်၊၊

ထိုအခါမှ မောင်လဲ အခုထိ ငြိမ်ပြီး ထိုင်နေသည့် Lucifer နှင့် ကာရံထံ အကြည့်ပို့လိုက်တော့သည်၊၊ Lucifer ကတော့ ပုံမှန်လိုပင် မောင့်အား အကြည့်မလွှဲပေ၊၊ သို့သော် ကာရံကတော့ မောင် သူ့အား ကြည့်လာမည့် အချိန်ကို မျှော်နေသည့် သူပမာ ချက်ချင်းပင် မျက်နှာအား မော်ချီပစ်လိုက်တာ မောင် တွေ့လိုက်ပေသည်၊၊

မောင် ဆိုသည်မှာလဲ ကိုယ်ကသာ လူတွေကို ခပ်တန်းတန်း ဆက်ဆံချင် ဆက်ဆံမည် မောင့်အား လာကြောလျှင် နည်းနည်း လေးမှ မကြိုက်တာမို့ အစက မေးမည်ဟု စဥ်းစားထားသည့် မေးခွန်းများကို ရုတ်သိမ်းလိုက်တော့သည်၊၊ သူတို့ မောင့်ဆီက အာရုံစိုက်မှုကို လိုချင်နေလျှင် ဆက်မပေးခြင်းဖြင့် မောင် အနိုင်ယူပြမည်၊၊ ထို့ကြောင့် ချက်ချင်းပင် အမိန့်တစ်ခုကို ပေးလိုက်လေတော့သည်၊၊