Part-51

10.6K 699 31

by LilyLittle_Sexy

by LilyLittle_Sexy

မောင် စီးနင်းလိုက်ပါလာသည့် Audi ကားအနက်ရောင်လေးမှာ ပြာပန်းခတ်နေသည့် လမ်းမကြီးထက် ပြေးလွှားလို့ နေလေသည်၊၊ တက်ကြွနေသည့် နံနက်ခင်း နေရောင်နှင့် အပြိုင် ရွှင်လန်းနေသည့် စိတ်အစုံဖြင့် မောင်ဟာ Ipad ထဲသို့ အာရုံအပြည့်စိုက်ကာ အစည်းအဝေး အစီရင်ခံစာများကို ဖတ်လျက်ရှိပေသည်၊၊ ရွှေရောင် မျက်မှန်ကိုင်းအောက်မှ မျက်လုံးတစ်စုံဟာ ဆိုလျှင်ဖြင့် အလုပ်အပေါ် အာရုံစိုက်နေသည့် အခါမှာ သိပ်ကို စူးရှနေကာ၊ suit အပြည့်နှင့် ခန့်ညားချင်တိုင်း ခန့်ညားနေသည့် မောင့်၏ ပုံရိပ်ဟာ မြင်ရသူတိုင်းအဖို့ ရင်သတ်ရှုမောဖွယ် ကောင်းလှပေသည်၊၊

*Boss*

အစီအရင်ခံစာထဲမှာသာ အာရုံရောက်နေသည့် မောင်ဟာ အရှေ့ခုံရှိ ပြည့်စုံထံမှ ခေါ်သံကြားသည့် အခါမှာတော့ ရွှေရောင်မျက်မှန်ကိုင်းလေးကို ပင့်တင်လိုက်ကာ မော့ကြည့်လို့လာလေသည်၊၊ ထို့နောက် နောက်ကြည့်မှန်ကနေတစ်ဆင့် မေးဆက်ပြလိုက်လေသည်၊၊

*ဟိုလေ ဟိုကားက ကျွန်တော်တို့ နောက်ကို လိုက်နေပြန်ပြီ Boss*

ပြည့်စုံ၏ သတိတစ်ကြီးပြောသည့် စကားကြောင့် မောင့်ရဲ့ မျက်ခုံးအစုံတို့ဟာ ဖြောင့်တန်းနေရာကနေ တွန့်ချိုးသွားရပြီး နောက်ဘက်ရှိ Honda ကားအနက်ရောင်လေးအား လှမ်းကြည့်လိုက်မိသည်၊၊ တစ်ကယ်ပင် ထင်ထားသည့် အတိုင်းပင် လွန်ခဲ့သော တစ်ပတ်လောက်ကတည်းက မောင့်အနားမှာ အမြဲတွေ့နေရတတ်သည့် ထိုကားသာ ဖြစ်ပေသည်၊၊ မောင့်မှာဖြင့် ကားနံပါတ်ကိုတောင် အလွတ်ရနေပြီ ဖြစ်လေသည်၊၊

ဘုတ်!

မောင် စိတ်ရှုပ်စွာနှင့်ပင် လက်ထဲမှ Ipad အား ဘေးခုံသို့ အသံမြည်အောင် ပစ်ချလိုက်မိသည်၊၊ ထို့နောက် လက်တစ်ဖက်အား လက်ကိုင်နေရာတွင်ထောက်ကာ ဘာဆက်လုပ်သင့်သလဲ စဥ်းစားရလေတော့သည်၊၊

မီးပွိုင့်တစ်ခုမိစာလောက်အထိ ကြာချိန်မှာတော့ မောင့်ခေါင်းထဲ၌ ပေါ်လာသူမှာ တစ်ယောက်တည်းသာ ဖြစ်သည်မို့ ရုံးသို့ သွားမည့် လမ်းကြောင်းကို ပြောင်းစေလိုက်ရတော့သည်၊၊

Mr. Submissive

Part-51

Promoted stories

You'll also like