Mr. Submissive

Extra-1

ကား ဘရိတ်ဆောင့်အုပ်သံ နှစ်ခု ဆက်တိုက်ထွက်ပေါ်လာအပြီးမှာတော့ ပထမကားထဲမှ ရွှေရောင် မျက်မှန်ကိုင်းတပ်ကာ အနောက်တိုင်း ဝတ်စုံအား အပြည့်အစုံဝတ်ထားသည့် မောင် တစ်ယောက် ဆင်းလာလေသည်၊၊

ဘုန်း!

ထို့နောက် မောင်ဟာ ကားတံခါးအား ဆောင့်ကာ ပိတ်သွားပြီး ဒေါသတစ်ကြီးပင် အိမ်မကြီးထဲသို့ ဝင်လာခဲ့လေသည်၊၊

*မောင်! မောင်! နေဦးလို့ ! ကျွန်တော် ပြောတာ အရင် နားထောင်ဦး! *

ထို့နောက်မှာတော့ ဆောင့်အောင့်ကာ အိမ်ထဲသို့ ခြေလှမ်းကျဲကြီးများနှင့် ဝင်သွားသည့် မောင့်အား နောက်ကနေ မှီအောင် လိုက်တားနေသူဟာ Lucifer ပင် ဖြစ်လေသည်၊၊ Lucier ဟာလဲ shirt လက်ရှည်အနက်ရောင်နှင့် pant အနက်ရောင်အား သေသပ်စွာ ဝတ်ဆင်ထားလေသည်၊၊ 

သို့သော် အရှေ့ကနေ ဒေါသတစ်ကြီးနှင့် သွားနေသည့် မောင်ကတော့ Lucifer ၏ စကားအား မကြားသလိုပင် သတ်မှတ်ကာ အိမ်ရှိ ဧည့်ခန်းအား ဖြတ်ပြီး လှေကားဆီသို့ ဦးတည်နေပြီ ဖြစ်လေသည်၊၊

*မောင်! *

Lucifer ကလဲ အလျော့မပေးပေ၊၊ မောင့်၏ ခြေလှမ်းများအား မှီအောင် လိုက်ကာ လှေကားပေါ် တက်ခါနီး၌ မောင့်၏ လက်အား ဆွဲကာ တားလိုက်လေသည်၊၊

*မောင့်ကို လွှတ်! Baby! *

သို့သော် မောင်ဟာ Lucifer၏ လက်အား ဆောင့် ရုန်းကာ ပြန်အော်လာလေသည်၊၊ ကြည့်ရတာ မောင်တစ်ယောက် လွန်စွာမှ ဒေါပွနေပုံပေါ်လေသည်၊၊

*မလွှတ်ဘူး! ကျွန်တော် ပေးမဲ့ အကြောင်းပြချက်ကို မောင် အရင်နားထောင်ပေးသင့်တယ် *

Luciferကလဲ လက်မလျော့ပေ၊၊ မောင့်၏ လက်ကောက်ဝတ်အား ဆွဲကိုင်ထားကာ ထပ်မံပြောလာလေသည်၊၊ သို့သော် မောင့်အနေနဲ့ ဒီနေ့မှာ Luciferအား လိုက်လျောရန် စိတ်ကူးမရှိပေ၊၊

*အခုအချိန်မှာ Baby ရှင်းပြတာတွေကို မောင့် နားထဲဝင်နိုင်မယ်ထင်လို့လား *

*အဲ့တာဆို အစထဲက ကျွန်တော့်ကို အရင်ရှင်းပြခွင့်ပေးလိုက်သင့်တယ်!*

*ဘာလဲ မောင့်မှာ စိတ်ဆိုးခွင့်တောင် မရှိဘူးလား! Baby လုပ်ခဲ့တာကကော မလွန်လွန်းဘူးလား!*