Mr. Submissive

Part-18

ဝိုး! ! ရေး! !

လွန်ခဲ့တဲ့ နာရီပိုင်းလောက်က တိတ်ဆိတ်ငြိမ်သတ်နေတဲ့ ကျောင်းတော်ကြီးဟာဆိုရင်တော့ဖြင့် ခုမှာတော့ ကျောင်းသားများစွာတို့၏ စကားသံတို့ဖြင့် ဆူညံနေလေတော့သည်။ ထိုကျောင်းသား အားလုံးရဲ့ မျက်နှာပေါ်မှာလဲ ပေါ့ပါးလန်းဆန်းသည့် ဟန်အပြည့်နှင့်ပင် ဖြစ်သည်။ အကြောင်းမှာတော့ ယနေ့ဟာ first semester ရဲ့ နောက်ဆုံး ဘာသာရပ်ကို ဖြေဆိုရသည့် နေ့ဖြစ်သောကြောင့်ပင်။

*အား! ! ခုမှပဲ စိတ်ထဲပေါ့သွားတော့တယ်။ ငါလေး တကယ်ကို ပင်ပန်းခဲ့တာပဲ *

သူငယ်ချင်း ငါးယောက်သားလုံး အတူတစ်ကွ အခန်းထဲက ထွက်လာပြီးပြီးချင်း လမ်းလျှောက်နေရင်းက သူသူ ကစပြီး ​ပြောလာတာမို့ အားလုံးရဲ့ အကြည့်ဟာ သူ့သူ့ဆီသို့ တစ်ပြိုင်ထဲ ကျရောက်သွားတော့သည်။

*အမလေး သူသူရယ် သူများကြားရင် ငါတို့ squad ထဲ hyper တစ်ယောက်ရှိတယ် ထင်နေပါဦးမယ်ဟာ *

နိုင်နိုင်းမှာတော့ သူ့ရဲ့ လွယ်အိတ်ကို ဘေးတစ်စောင်း ပြောင်းလွယ်လိုက်ကာ သူသူ့ကို လှမ်းကာ စလိုက်သေးသည်။

*ဟဲ့ အပိုမပြောနဲ့ ငါက squad ထဲမှာဆို hyper ပဲလေဟာ ဟားဟား *

*အေးပါ ဟုတ်ပါတယ်။ roll 22 နဲ့ hyper ကြီးရယ် *

နိုင်နိုင်းရဲ့ စကားအဆုံးမှာတော့ တစ်ဖွဲ့လုံး ပွဲကျသွားပြီး lobby မှာ လမ်းလျှောက်နေရင်းကပင် အော်ရယ် ကြတော့သည်။ သူသူကတော့ သူငယ်ချင်းတွေဆီ မျက်စောင်း တွေ ပစ်သွင်းနေတော့သည်။ Roll 22 မှာ ဘာအပြစ်ရှိလို့လဲ ဟင့် ။

နောက်တော့ ငါးယောက်သားလုံး အိမ်မပြန်သေးပဲ ကန်တင်းဆီသို့ ထွက်လာလိုက်တော့သည်။ ကန်တင်းအရောက်မှာတော့ သူတို့ squad လိုပင် ကျောင်းသား အတော်များများကလဲ အပူအပန် မှ မရှိတော့တာမို့ ကန်တင်းတစ်ခုလုံး ရွှင်းလန်းတက်ကြွတဲ့ ပတ်ဝန်းကျင် တစ်ခုလို ခံစားလိုက်ရသည်။

သူသူနဲ့ ဟန်နီကတော့ ထိုင်နေကြ ဝိုင်းမှာ အိတ်တွေကို ပစ်ချကာ၊ မီးဖိုချောင်က ဆိုင်ရှင် အမဆီသွားကာ စားသောက်ဖို့ စတင်လှုပ်ရှားတော့သည်။