BOROROJI....The Journey of Destiny!!!

BABI NA HAMSIN DA BIYAR.

https://www.wattpad.com/1113774799?utm_source=android&utm_medium=link&utm_content=share_published&wp_page=create_on_publish&wp_uname=Mai_Dambu&wp_originator=wttFXwlCWTsu7Xd9brt9PkpuxFS1NA%2FyyAvcpakR2j0eLdqgraAaqKDIsHkdoAh9cMAZ0F3vUQbYnQqanCDd%2B8Ah01MAW4cg9qyzlshahFd%2FF%2Fce11kN%2Fe9K0RRl58%2BM
🐂🐂BOROROJI🫀🫀

~The Journey of Destiny💔~

Mai_Dambu

Sadaukarwa ga
Sajidah Nijar
Samirah Nijar
OumNass
Azizah Hamza....

BABI NA HAMSIN DA BIYAR.

"WALLAHI ka kuma taku daya sai na la'anance ka!" Ta fada da karfi, wani irin sanyi ne ya shiga jikin shi, ya kalle ta a hankali sannan yace mata.
"Anya ke kika haife Ni? Anya ke kika dauki nauyin cikina? Lallai Ammyn Kinyi abinda kike so ni kuma zan miki yadda kike so! Ba dai Maimunari kika cire a rayuwa ta ba? Alhamdulillahi na hakura da ita koda itace rayuwata Allah ya bata wanda ya fini."

   "Wallahi naji wannan maganar a kunnen Yallabai sai na tsine maka wanda bai san ciwon kan shi ba, yarinyar da aka haife bata hanyar aure ba."

"Bani da lokacin da zan yi magana akan wannan Ammyn wallahi ba zan yi magana akan shi ba, amma Allah zai bi min hakina mata ta ina sonta kina rabani da ita, ina kaunar ta kika rabani da ita Allah yana nan"

    A hankali ya juya zuwa cin gidan shi, ita kuma ya juya zata shiga cikin gida, ganin wani dogon abu tayi wanda bata hango karshen shi balle farkon shi yana tawowa da mugun gudu, aikuwa ta arta a guje, tana shiga falonta ta yanki jiki ta fadi saboda giftwar shi a falon. Ihu ta saka tare da firgita sosai.ihu take tana kiran mutane.

Kafin kace me haka gidan ya cika da jama'a,dole aka rufeta da Addu'a, kafin ta samu barci. me wahalarwa.
**
A hankali nake tafiya motar sojojin shi suna bin bayana, a hankali na tsaya a jikin wani mota, na jingina ina sauke ajiyar zuciya, saboda na gaji sosai. Wayata na cire a jakata da ya mika min kafin na fito. A hargitse nake dan haka koda ba kira Number Abie naji a kashe kiran Ansar nayi.

"Kana ina?"
"Toh ina masaukina ne! Lafiya a tsohon daren nan?"
"Kazo ka kai ni Damagaram."
"Ina Mohan"
"Zaka zo ko ba cigaba da tafiya?"
"A'a gani nan zuwa"
.ina tsaye a gurin, bayan wasu mintina sai gashi nan ya iso. Da sauri ya bude min kofar, na na ja kafana a hankali, domin zuwa yanzun dan tafiyar da nayi tare da motsa gurin da bai samu kulawa na tasa ina jin nauyin har kirjina.
Ina shiga motar kwanciya nayi, ya shiga mazaunin Driven,  "ba zan kai ki asibiti ba kuwa naga kina bukatar taimakon?"

"Bana bukata Damagaram kawai zaka kai ni."

*
Abuja.

Karfe goma suka gama taron su na majalisar Alkalai ta yankin west africa. Dan haka yana gama abinda zayi ya ga lallai zai iya samun daurin auren tunda ba mamaki tunda yafi tsammanin da tsammanin ranar ne kuma zai iya kasancewa da azhar ne.

    Dan haka akwai liyafar da aka shirya musu, amma baki daya ya kasa fahimtar kome, karshe gaya musu yayi zai kome gida akwai daurin auren da zai halarta.
Haka yayi musu sallama ya bar garin Abuja.

         ... Yana isowa bai tsaya ba, sai gidan shi ya sauya kayan shi. Sannan ya dauki katin auren da bai duba ba sai yau.

Maimunari Isma'il Wodaadabe. Abinda idanun shi ya hango mishi kenan, kan shi yayi wani irin dumm, maganar mutane ne ya shiga dawo mishi. Tare a tunawa da yadda suka yi ta cewa yar shi ce.

       Wani irin jiri ne ya dauke shi, ya zauna dabas, tare da dafe goshinsa. A hankali yaji kwalla na zuba mishi,.Yar shi ce ya zauna da ita tsawon watanni bai sani ba,.ko dai ba shi Isma'il Wodaadabe bane, mik'ewa yayi ya haɗa kayan shi. Ya fita tare da nufar airport, sai kusan karfe biyar ya samu jirgin damagaram.  Dake daurin auren a babban Masallacin Damagaram ne.