صغيرة ال حمدان

اخبار سريعة🖤

مساء الخير عليكم احبتي
بعد ما فشل البث بكروبي لعدة مرات راح احاول اكتبلكم هنا واوضحلكم اخر الاحداث الي تخص (صغيرة ال حمدان)
اما الكواكب فسديم كالت اني اريد ادزلج بعد اخبار لذلك منتظرتها حتى انزل اخبارهم كلها سوى .

بيت حمدان تعرفون قبل فترة انصابو بكورونا معظمهم الي بالبيت
عدى جيلان وحنان مرت عباس الثانية
هن الحمد لله ما بيهم شي وهن الي جانن يعتن بالبقية وبيبي سهيلة هي بدون شي مريضة فجان احسن حل يبعدوها عن بؤرة الوباء فأخذوها لبيت سلام ولحد الان هي يمهم وخالة زهرة وجناينها الطيبات هن الي جاي يعتنون بيها وعمو سلام طاير بأمه خطية لان اول مرة تبقى يمه هلكد

الحجية سهيلة عنودية حيل وجانت ابد متقبل تعوف دارها (غرفتها ) ولا ليلة لان تكول بيها ريحة حمدان 💔

عمو برهان بوقتها كلش ساءت حالته ووبطالة الاوكسجين ما فارقته بالبيت خلوهن اله لحد ما اخر شي اضطروا ياخذوه للمستشفى وبقى هناك يومين لحد ما بدت صحته ترجع والحمد لله هسه احسن

وحتى البقية بشكل عام صحتهم احسن الان بفضل الله وثم دعائكم

وتدرون هم قبل كم يوم خالد الصغير صار عمره سنة🖤لذلك ان شاء الله هالسنة جيلان راح تقدم خارجي وهي صارلها بالسنتين تدرس بالبيت حتى المواد صارت سهلة عليها

اما عمة فردوس فهسة حالتها بالضيم 😅لان ابن مروان هالسنة حاي يمتحن سادس وهي متقوقعة على نفسها علموده ومدخلتهم كلهم انذار
جيلان تكول حتى كلما نخابرها نلكي موبايلها مغلق حتى لحد يخابرها ويخربطلها اجواء البيت 😂الا اذا هي لكت وقت فراغ هي تتصل بيهم..

سرى وبشار ،جيلان وهذال
هالثنائيات الحلوة حياتهم والحمد لله ماشيه بكل حب وهدوء ....ولو اعتذر لان سرى وبشار مستحيل يكون اكو هدوء بعلاقتهم لان كلهم على بعضهم هوسه😅😂بس شي على شي متراهمين 🖤

واخيراً اريد احجيلكم عن شي ما كان بالحسبان ابداً ابداً.....يمكن اني من بديت اكتب بالرواية جنت حذرة لدرجة كلش جبيرة بحيث شكو حساب لجناين سلام او مرت جواد او حنان مرت عباس واي شخص ممكن نشك بي يقرأ روايات او يطلع كدامه منشور عالفيس من خلال البيج
كلهن سويت الهن حضر من البيج
لان سرى وجيلان بوقتها كالو هن ما يحبن سالفة القصص بس ممكن لو شافن البيج يحبن يتصفحن بي ونخاف لا اي معلومة تكون واضحة الهن وتصيرلنا سالفة
فجان الحذر واجب .....لحد ما قبل يومين دخلتلي بنية من حساب عالفيس

وبعد السلام بأخلاق حلوة كالت جملة شوية فززتني والي هي ( اني اعرف بيت (فلان)الي هم ال حمدان بالرواية)
ما اكذب عليكم واكول مهتميت بالعكس بهتت حيييل لان اذا اخاف فخوفي عالبنات فقط رغم اعرف هذال شكد انسان عاقل ومتفهم بس بنفس الوقت يمكن غيره يسوولهن مشاكل ...

رديت
منين تعرفيهم ؟! لان مجان اكو مجال انكر لان البنية من حجيها متمكنة وتعرفهم عز المعرفة ..

ردت
-يمكن متصدكين اذا اكلج منين
-ليش ما اصدك؟!
-لان صدمة الج ولاي شخص يعرف

طبعاً وهي جاي تحجي ويايه اني دخلت لحسابها گلبت بي حساب جداً محترم من محتوى ومن منشورات والبنية خريجةمو تكولون حساب وهمي
رديت عليها واني متطمنه

-احجي عمري ليش تشلعين گلبي
-ابنهم حجالي او عرفني عليهم وعلى جزء من حياتهم

اني شكلي هيج صار 😳
يا ابن تقصدييين ؟!!!

-(فلان )بالقصة حيدر

هنا اني شكلي صار هيج😱😳😰
البنية من شافتني سكتت ضحكت وردت

-والله راسلتج مو لاجل شي بس جداً حبيت الرواية وحبيت الصدفة الي خلتني اقراها واني اعرف شخص من اشخاصها مهما كانت شخصيته

-يعني انتي ما انصدمتي وانتي تقرين شخصيته رغم معرفتج الخاصة بي ؟!

-لا ابداً ..تدرين ليش
لان اني اعرف منه كلشي بس الي قريته من كتابتج شي خلاني اعيش واتخيل الي سمعته على شكل صوت وصورة

-شجابج على حيدر ؟!
ضحكت وكالت

-سالفة طويلة بدت وبعدها مستمرة وان شاء الله احجيها الج ونسولف كل فترة اذا ماعندج مانع

-لااا ابداً بالعكس كلش متحمسة اسمع منج
خاصة حيدر هو الوحيد من بيت حمدان الي اخبارة مقطوعة من شهور طويلة واكيد راح اكون سعيدة مو بس اني حتى متابعيني من نسمع ونعرف منج القصة كلها

-هههه ان شاء الله تسمعون كل خير
اسفة اذا ضوجتج

-لا شنو ضوجتيني كولي نشفتي الدم بعروگي
-عود اني حاولت قدر الامكان احجي بطريقة ودية حتى لا عبالج جاي اهدد او شي
-لا اني بس شفت حسابج اتطمنت مبينة انسانة واعية ومثقفة مو مال هيج سوالف

-اشكرج عمري ،اني جداً سعيدة بردج عليه وحجينا سوى ...واتمنى منج توصلين الحجي لجيلان حتى اذا ترضى اريد اسولف وياها شوية
وحسابها عندي هي وسرى اعرفهن

-ماكو اشكال راح اسألها واردلج خبر
البنية سلمت وراحت ورحت اني اركض لجيلان حجيتلها كلشي وهي خطية متعرف المغص منين يجيها من الهبطة😂لحد ما قررت ووافقت تحجي ويا البنية
ورحت انطيت خبر للبنية ان جيلان تنتظرها وبيومها هن حجن سوى ودك سوالف واني طلعت منها 😂انتظرهن بعدين يبشرني وين وصلن

لحد تالي الليل دزتلي جيلان صوتيات وهي ساردة الحلك بالضحكة وتكول

جيلان: ولج روشان تعالي هاي شنووو منين طلعت ولج تخببببل سوالفها وهواي حجينا وصدمتني بهواي شغلات

روشان: لا والله ؟ وشنو عرفتي
جيلان: هي تحجيلج احسن
روشان :😒لعد ليش جيتيني ؟!
جيلان : هيج خباثة🤣

طبعاً هنا اني سديت المحادثة وسويتلها كتم وهي تدز رسائل وترجع ليورى واني ما افتحهن طلعتلها گلب ثاني 😂

المهم يا حبايبي بعدني ما حاجيت البنية ولا عرفت منها اي شي يخص حيدر لان البنية صاحبة شغل وعدها مسؤوليات
اذا عرفت منها شي احجيلكم 😘

وطبعاً حجيتلكم الي صار كله لان حبيت تكونون على اطلاع بگلشي مرينا بي من صدمة وهبطة ومغص اني وجيلان😅

اخيرااا
احبكم 🖤