صغيرة ال حمدان

البارت الخامس والثلاثون

مساء الورد عليكم حبايبي كللللش اعتذر عالتأخير بس كهرباء مقطوعة يمي 😭وهسه اجت
وعلمود هالشي موعد البارت رح يتغير ويصير منا وجاي ساعة ٧ المغرب بسبب الكهرباء يمي
احبكم🖤

(صغيرة ال حمدان)
للكاتبة روشان

البارت الخامس والثلاثون

عرفت الناس و المو ناس و ما عاتب كفه الرايح الشجره شما حداهه الريح متعاتب ورك طايح ...

جيلان: عيوني تدوره بكل مكان وهو ماكو ،زين ليش محد مهتم ليش بس اني فقدته مو المفروض يجي ويا اخو ويكون وياه برجعته لعد وين راح؟!!!

كملو الذبايح ودخلو جواد من باب الصاله هو وعمامي والولد كلهم وبقى الكصاب وياه ثنين ولد بالكراج ديكملون الذبيحة ويكطعون اللحم
كله من ايدهم اتوزع للناس كلشي مطببنه للبيت ،
راحن عماتي للصالة يم الولد وفلك هم هناك وامها واختها بقينا احنا البنات بالمطبخ كلنا اني وسرى ومسرة وندى وابرار وطيف كلهن هنا هن وزلمهن
علمود هالشي مطبينه للصاله لان النسابة هم موجودين
عمة فردوس هم مطولت شويه ورجعت للمطبخ واحنا واكفين واجه جواد يمشي بتعب والابتسامة على وجهه
وركضن خواته عليه بسرعه يحضنن بي ويبوسن وراها سلمن عليه ندى بت عمه جنات وطيف بت عمو سلام بقيت اني واكفه بمكاني باوعلي ورفع حاجبه وضحك وكال
جواد: تعالي شبيج مصفوكة

جيلان: ابتست ورحتله جرني وباسني من راسي جنت اتمنى احضنه على كد الخوف والقلق الجنت عايشه بيه عليه بس خفت من هذال ليروح يتعصب ويطلعلي سالفه يضوج عليها ،
الحمد لله سلامتك ضلع ،كلتها وضحكتله بفرح ،

جواد: الله يسلمج خيتي الغالية يبعد الضلوع كلهن ،

جيلان : بقى شويه يمنه جان شكله كلش كلش تعبان ضعفان حيل ،حتى عظام وجهه مبينه مو نفسه جواد القديم بس صدره شعرضه جان رغم ميلعب حديد ،بس هم قالبهم ضخم وهسه من كد ما ضعفان احسه حتى حيل مابي ،
راد يطلع ركضت عليه يم الباب بعد ما اتحمل قلقي على هذال ذبحني ،صحته
جواد

جواد: ها عيني

جيلان: وين هذال ؟!! ليش مرجع وياك ،

جواد: والله من المستشفى طلع كال عندي شغله واحتمال للعصر او المغرب يلا ارجع

جيلان: خليت ايدي على صدري بخوف ،
عززه وين راح ؟!!بس لا راح لخالك

جواد: لا ما اعتقد ،اولا هو فالت منا وين يلكاه وثانياً حتى لو راد يروحله ويدوره هم ما يروح اليوم

جيلان: بقيت اباوعله بخوف والف فكرة براسي
هو هم باوعلي وكال

جواد: اوكفي خل اجيب تلفون من الولد واخابرة ،اخ بويه ذكروني بتلفوني ولد الجلب مادري وين ودوه هالنوب جنت مكيف بي جديد

جيلان: ضحكت على كلامه وكتله
المهم انت رجعت سالم وكلشي يتعوض
هز ايده وضحك وهو ماشي كال