(صغيرة ال حمدان)
للكاتبة روشان
ما مراجعة البارت اعذروني
البارت الخامس عشر
وتالي ما تالي التهينه ...
وفرهدونه ..
الوادم تحب الخصام
بالعراق الحب حراام🖤
فردوس: راحت وسدته وانا كلبي وكع شصاير وياها يربي خابرتني ترجف الله اليستر
رحت كلت لامي بس مكتلها على سالفه طلابه وهيج
لان خفت عليها لا يصير بيها شي وهي بس تتهبط
كملنا الغدة والعصر كلت لبرهان كال البسو حتى اخذكم
طلعنا ويا بالسياره واجه هذال ويانه
باوعت لبرهان باستغراب وكتله بصوت ناصي
برهان خاف متقبل جنات كالت بس انتي وامي خل برهان يجيبكم
برهان : لا معليج متحجي اني دزيت على هذال
فردوس: والله ورحنالهم جان بيتهم بعد نص ساعه عنه لان شالت من عيالها مصار هواي
وصلنه الهم جان امجد رجلها بالباب سلمنه عليه ودخلنا باوعتله شكله عادي ما بي شي يخوف
معناها السالفه مو ويا رجلها الله اليستر
والله ودخلنه استقبلتنا وعيونها شو تتهزم مني
دخلو اهلي للصاله واني بقيت اريد اسالها شكو وما سمعت غير صيحة امي وشهكتها ورحت اركض
لكيت خالد واكع على رجل امي يبوس بيها وكام يبوس براسها ويحضن بيها وهي متعرف منين تبوسه وتشمه ودموعها تجري
سهيلة: يبعد امك وطوايفها واهلها كلهم
افيييش ياريحة ضناي
خالد: كلها بچفة يمه وانتي بجفة نار كلبي عليج انتي وكضيت الوكت خايف لا عفتج وراي تتحسرين وما راضيه عني
سهيلة: فدوة اروح لوجهك يبعد گلب امك انت
شلون ما ارضى عليك وانا بكل دقيقة وكل وكت ادعيلك الله يصخيلك ولاد الحلال ويفتح بوجهك كل مسدود
تحاجي امي وتبجي من فرحتها بشوفته
اني من الهبطة الي اكلتها تربعت وكعدت بالباب وطكيت بجي مادري من الخوفه مادري من الصدمة والفرحة بشوفته
خالد: ورا ما وديت الاوراق للرجال ورا يومين اجه وكال باجر تبلش دوامك
والحمد لله بديت اداوم حسيت روحي واخيرا جاي اشتغل بشهادتي واطلع كلشي اتعلمته وتعبت بي سنين صح جنت رايد اكمل وادرس ماجستير
بس الظروف هيج رادت بعد
والف الحمد لله على هالنعمة
بأخر مرة اجاني برهان كال جنات اختي شايله ابيت وحدها اذا تريد تشوف امي بس خابرني وكلي اجيك من الصبح اخذك تشوفها ابيت جنات ومحد يدري
والله و ورا ما لكيت التعيين وارتاحيت شوي كلت لجيلان عالسالفه وكالت والله ياريت
وخابرت برهان كال باجر من الصبح يمك اني
وجان يوم جمعة وساعه ٨ الصبح هو يمنه
خالد: ادري شنهي السالفة ما نايم الليل شوكت طلعت مناك
برهان: لا والله نايم بس كلت من الصبح احسن وماكو ازدحامات عالطرق الخارجية
وصليت الفجر وطلعت كبل وهسه وصلتك خوما بعدكم نايمين
خالد: لا كاعدين تعال نتريك ونطلع
أنت تقرأ
صغيرة ال حمدان
Aktuelle Literaturيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
