صغيرة ال حمدان

البارت الواحد والثلاثون

هدية العيييد الثانية🙈
واحلى بارت لعيونكم ،،وينهم الي يردون هذال وجيلان وهذا بارت مليان بيهم🖤

(صغيرة ال حمدان)
للكاتبة روشان

البارت الواحد و الثلاثون

..
اثقل اثقل ما يطوف الا الخفيف
الناس تهوى الثابت و طلعه ثقيل
يسقط بكيفه الورق وقت الخريف
لكن يضل الجذع شامخ اصيل
(سرى)

جيلان: بعد الموقف الي صار بقت مسرة محبوسة بالغرفة اسبوع تخاف تطلع لا يرجع جواد يكتلها ،
ورجعت اني لدوامي من ثاني يوم بعد ما بينت الحقيقة،
وهذال من يومها واحسه رجعلي اب وسند وكلشي حلو بيومي
من اول ما اكعد الصبح اريد اطلع لدوامي واحير اصفن على شنو بي عيونه الي تراقب لبسي من فوك ليجوة لو ابتسامته الراضية عن كلشي اسوي ،
صار اسبوع من صار الموقف وحجى كدام فلك ان هو رايدني ويحبني ومن يومها وهي وجها ميكصه السيف
تباوعلي بحقد وكره مشايفته بعيونها قبل بس المشكله متكدر توصل وتحجي وياي
اذا قبل جان هذال مانعها هسه هم هذال وهم جواد ،ومنا السالفة السوتها مسرة وبالكوة عافها جواد فهي ساكته علمودها متريد ترجع تسوي مشكله وترجع تخبل جواد ،
وجواد اجاني بنفس اليوم واعتذر مني وكال انا ظلمتج بس عذري خبالي وغيرتي وهاي كدامج حتى مسرة سكطتها وانتي لوما هذال يوكف بوجهي جان اذيتج بس الله يدري بيج مظلومه ووكف وياج ،
واني هم سامحته بسرعة لان اعرف يعزني ويخاف عليه ،،

اليوم عندي صباحي بدلت ونزلت جانت مسرة بالمطبخ نازله من الغرفة بعد حبسة اسبوع ومثل متوقعتها متفرق شي عن فلك يمكن لو اصير بيدهن يشربن من دمي وما تطفى نار الغل الي بيهن ،الي يشوفهن يكول اني الي مأذيتهن مو هن ،

كعدت يم بيبي تريكت وياها وطلعت شفت سيارة هذال كبالي وهو كاعد باوعلي وضحك واشرلي كال تعاي
احس گلبي كام يرجف من شفته ولا جن كل يوم بوجهي هو ،احسه من يوم الكال احبج واني لهفة كلبي زادت عليه،
رحتله وكفت يم باب السيارة جانت الجامة مفتوحة اشرتله براسي وكتله ،شتريد ،،،
بس احس حلكي راح ينشك من الابتسامة،

هذال: صعدي
جيلان : شلون مو ابو الخط راح يجي واتأخر
هذال: يعني انا جاهل؟!
جيلان: فتحت عيني مستغربة وكتله ،لا حشاك
هذال: چا صعدي بدون حجي
جيلان: صعدت يمه و اول ما سديت الباب كال
هذال: اتعلمي حبيبة انا من اكلج على سالفة يعني انا حاسبلها الف حساب ،چا قابل اخذج منا واعطلج عن دوامج
ترى خابرت ابو الخط وكتله لا تجي وانا راح اوصلج اليوم
هاا عليه قصور بعد؟؟!!
جيلان: حجاها وهو يرفع حاجبه ونظرته وابتسامته هاي من يكون واثق من روحة ،رديتله
انت مابيوم قصرت حتى هسه تجي تقصر ،
لزم ايدي جرها يمه وباسها واحس ايدي صارت ترجف وحجيت بخوف واني اسحب ايدي منه
جيلان: لحد يشوفنا والله امك تحركني ،،رد عليه بعصبية