صغيرة ال حمدان

هدية تكملة للبارت السابق🖤

مساء الخير لمتابعيني الورود
اليوم ما جنت راضية عن قصر البارت رغم تعبي بي وبتفاصيلة الي دمرتني واني اكتبلكم 💔ومنا طلباتكم وماحبيت اردكم
فهاي الهدية اعتبروها تكمله للبارت السابق حتى يصير متكامل 😘
واعذروني عالتقصير ،وبعدني ما معدلته 🖤

(صغيرة ال حمدان)
للكاتبة روشان

تكملة للبارت السادس والاربعون (هدية)

صدكوني كلش مختنك
تعبانه كلش حالتي
ناگصني تابوت وگبر
وشارع يشيل جنازتي
عوفوني مو حيل اتعبت
جرحوني لكن ما صحت
واصفيت اداوي بعالتي
.
.
.
هذال: وانا كاعد اجاني عمي يركض كال خابرتني فردوس تكول جاي تستفرغ وذابته كله دم اسود ..

كمت بسرعه ،امشينا نروحلهم عمي

برهان: بعدهم مطالعين يابه

هذال: ميخالف عمي خل نروح يم الباب،انا روحي ما جاي تعيني امشينا فدوه
طلعت برا وعمي وياي بقيت مثل الواحد الينتظر مرته وهي تجيب
بقيت رايح راد وكلساع اكله لعمي خابرهم شوف شصار لحد ما عاط بيه

برهان:بسسسك عاد مو ثولتني ثول وهم همات انثولو عيفهم خل ترتاح كلش ويطلعونها

هذال: بقيت ساكت بعد بس انشلع گلبي بمعنى الكلمة ،هالنوب الوب وانا ساكت ..
.
.
فردوس: بعد ما دخلناها خليناها بمكان مددت وهي ذرة حيل مابيها عيونها تفتح وتغمض بتعب ،صلينا انا واخلاص وزرنا ورحنا يمها رادت تكعد
سندتها وكعدتها بقت مخليه راسها على جتفي وكل جسمها راخي وبقت هيج لحد ما فجأة كامت تنازع مثل الواحد روحة تريد تطلع وهو الرجال هم شرحلنا وكال تتعب من يطلع منها

لزمناها انا واخلاص واخذناها بسرعة للحمامات بقت تلوب بيدنا لحد ما زاعت كلشي
ذبت شغلات مثل الدم الاسود خلت لشتي ترجف مثل السعفة وماعرف الزمها الها لو الزم روحي
خطيه اكو نسوان بالحمام اجو بسرعة علينا من شافو وضعها
اني روحي ساحت وكعدت على صفحة مابيه اشيل روحي عالشفته

لحد ما قويت نفسي بالكوة ورجعتلها لكيتها رايحة منتهيه وصايره مثل الورقة ،غسلنالها وطلعناها انا واخلاص رجعناها جوة
ورجعت مددت وخلت راسها بحضني بتعب كمت اقرة قرآن وامسح على راسها ،بقينا جوة بالساعتين وهي شوي شوي بدت تصحى وحيلها يرجعلها بالقطارة

لحد ما كامت كالت ارد اتوضى رجعناها بسرعة للحمامات اتوضت ورجعت من وحدها صلت كلشي محجينا وياها صارت ساعة ب١ الضهر هي كملت صلاة
اباوعها واكفه على طولها واحس گلبي يريد يهلهل من الفرحة
رحت عليها جريتها بحضني وماعرف منين ابوسها من لهفة گلبي عليها وهي تحضن بيه بتعب واخلاص هم تبوس بيها حتى دمعتي نزلتها من باستها من ايدها لجيلان من لوبه روحها تكلها موتيني عليج وانتي بنيتي الما خلفتها
حرت عليمن بيهن ابجي ،