صغيرة ال حمدان

البارت الخمسون

بعدني ممعدلة البارت🙈

(صغيرة ال حمدان)
للكاتبة روشان

البارت الخمسون

‎انا بلياك مدري شبيه مابي
‎ زلف وبلايه ترجيه
‎ درب مابيه كل جية
‎ نهر فاض وتبع ميه
‎ رجع بس مالكالة جروف
‎ كون تشوف
‎ روحي شخلة بيهة الخوف
‎مطلوبة نذر وتخاف ماتوصل حضرتك من بعيد تطوف
‎ كون تشوف
.
.
.
الساعة ٦ الصبح

سرى:واكف يبدل گبالي وعيني تلحك خطوات رجله وحركته بالغرفة وكلبي جاي ينقبض والخنكة كلساع تلزمني ،اكو شي بداخلي يكلي لتخلي يروح ،كمت ادور اي حجه وكأنما بكيفه الروحه حتى امنعه منها ،كاعده عالجربايه وهو واكف يم المراية ديمشط

حبيبي شنو لازم تلتحق اليوم ؟! جان حجيت ويا الامر مالتك گله باجر اجي،

بشار: ههههه اي مو الامر ابن عمي ،وچ غير موعد التحاقي اليوم ،

سرى: ميخالف حاجيه مراح تخسر شي ،كله مرتي تعبانه مريضه كله اي شي فدوه ،عالاقل اليوم ابقى ويانه بخطوبه هذال وباجر روح ،
عاف كلشي واجه ناحيتي يتمشى ولزم وجهي ودنك باس راسي بهدوء وحجى بأبتسامة،

بشار :وچ يا ابويه ما يصير ،بعدين هذاك البديل الي بمكاني خطيه شنو ذنبه ينتظر يوم يوم حتى انا اروح وهو ينزل لاهله وترديني اخابرهم اطلع حجة واكلهم ماكدر اجي
والله ليش ،مو مرتي مجلبه بيه وج قابل هاي اول مرة التحق مو صار شهور اروح وانتي ساكته شبيج اليوم !!
واذا على هذال انا مناك اخابره واباركله هو والفرعة مالته ،،بعد شتردين

سرى:بقيت ساكته ماحجيت شي ،كمل هو تمشيط وخله من العطر وشمره عليه وهو يضحك

بشار: هاج هاج لگفي لا يجي براس وليدي ،

سرى:لكفته منه واني مبتسمه وعيوني عليه ،خليت العطر بالجنطة مالته واجه هو شالها ولزم ايدي جرها وباسها
وكفت وياه واني مجلبه بيده لحد ما نزلنه جوة عمتي وعمي جانو بالهول كاعدين سلم عليهم وطلع وطلعت اني وعمتي وراه مثل كل مرة للباب سلم وطلع
صحته اندار عليه مبتسم وحجيت ،
عود خابر من توصل ،،

بشار: بعيني ،،يلا فيمالا (في امان الله)

سرى: طلع ودارت عمتي دولكة المي وراه ،،رجعت لغرفتي عبالي اكمل نومتي
بس شفت روحي طايرة النومة من عيني ،رجعت نزلت كملت شغلي وكضيتها ويا عمتي للعشرة خابرني وكال وصلت
ورجع خابر ب١٢ الضهر جنت بالسيارة سيف ماخذنا انا وعمتي لبيت اهلي علمود العزيمة
شلت الخط
هلا حبيبي ،

بشار : هلا بالروح والگلب والعين ونظرها وكلشي وكلاشي

سرى: هههه اليوم الغزل مفول من اولها ،اخاف عندك شي مسوي مكسورة وجاي تطمطم عليها،

بشار : شكد چلبة انتي ،چا انا ما اتغزل بيج ابد؟!
شو يبستي الدنيا وضيعتي تعبي وتعب لساني