حبايبي اعذروني اعذروني اذا اتاخرت بس والله اني كتلكم ب٣ ونص وورا يعني ممكن لل٤ او هيج
واني اخذتني ايدي وروحي ويا البارت ونسيت روحي سامحوني 😔
(صغيرة ال حمدان )
للكاتبة روشان
البارت الواحد والعشرون
بوية شبيك ساكت هذا مو ملكاك
كوم احضني بوية وبوسني اترجاك
بوية شبيك ساكت هذا مو ملكاك
تلاكيني جنت ملكى الطفل للعيد
روحي وكلبي اخذهن بوية اخذهن هاك
ما ادري الضرورة تعلعلت بجفاك
يابوية تعال البيت مابي روح
شو حتى السوالف فاهية بلياك
والبيبان طلعن حابات الطول
ويومية يسألن وين طولك ذاك
خالد: صدك على طاري المهندس وينه هذال صار يومين ماكو محاجي وياه
فردوس:-عيفه يمعود حاير بأمرة يريد يتزوج ورح نخطبله هاليومين
خالد: صددددك؟؟ شو انا ما ادري ولكم قنادر شنو انا بعيد عنكم عبالكم متت لو شنو
ليش محد يحجيلي ،انا اعلمة هالناقص هذا
فردوس: شيحجيلك خالد عيف الولد هو روحة بخشمه
خالد: ليش شكوو لا تخبليني عاد احجيلي شصاير
فردوس؛ كله من ورا امه الحية رح يتزوج ،من يوم اتخرج وكام يشتغل لليوم هي شيبت حتى گلبه وسودت عيشته حتى البيت صار جحيم عليه ومجلبتله تعال ازوجك بت خالتك نجمة وهو روحة شابة ل الله كل يوم وكابة العيطة هو وياها
خالد: اااااخ اللللله، لو ساعة وحده بس بس ساعة
يسلموني فلك بيدي ،اذا ما سويتها لحم مثروم انا معتب
كليلها هي كلبه بت الكلب هذا هم خالد وتشدين وياه
مو هذا ابنج ولو هي المثلها تعرف ابن تعرف نعل على راسها
فردوس: والله لو تشوف يوميه كابه العيطة هي وياه خلت الولد يتهزم ميكعد ويانا من وراها متنطي مفكة ،لحد ما بزع من اخر مرة هاي قبل اسبوع بليل من نام ابوي وبقينا كاعدين احنا كلنا وفتحت هي الموضوع
بديت احجي لخالد الصار كله
جنا ملتمين بالصالة انا وبرهان واخلاص وبيت عباس كلهم بس امي وابوي راحو نامو
فلك: عباس حاجي ابنك دامة كاعد كبالك هسة
هذال: انداريت عليها باستغراب ،شكو بشنو يحاجيني؟!!
عباس: اي يابه عمود سالفة زواجك انت كبرت ودراستك وخلصتها وصارلك سنتين تشتغل بعد عليش مأخر زواجك نريد نفرح بيك
هذال: كمت افور وبداخلي اكول وصلتيها لابوي السالفة فوك النك مالتج ما شبعتي هالنوب ابوي عليه،كتله
يابا انا ما اريد اتزوج هسة خليني هيج مرتاح وراسي بارد والعمر طويل كدامي شوكت ما الكة بت الحلال الي تعجبني انا اجيكم واكلكم زوجوني،
عباس: وليش ننتظر هاي بت خالتك موجودة وخوش حديثة ونعرفها وحتى اختمها وياك ،انا وامك رايديها الك دام انك ماكو وحدة ببالك خل نروح نخطبها لو نحجزها الك وعودين شوكت ما تريد انت تتزوج عودين اخذها
هذال: يابا شجاي تحجي انا ما رايدها ولا راح اريدها ولا اريد اي وحدة من صفحة امي وهاي كدامها احجيها
أنت تقرأ
صغيرة ال حمدان
Tiểu Thuyết Chungيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
