مرحبا حبايب قلبي
اعذروني اذا البارت اقصر من البارحة بس تعرفون شغل العيد والتعزيلات والخبصة🥺وبالنسبة للي يردون تعديل للوقت ان شاء الله نحدد وقت جديد للنشر ورا العيد بأذن الله
واريد اليوم انزللكم ان شاء الله صورة شبيهه لبطلتنا الجديدة الي اكيد تعرفتو عليها والي هي سرى وهي متابعة القصة ويا جيلان وعمة فردوس😘
احبكم 🖤
ان شاءالله بعدين اعدل البارت والاخطاء الاملائية
(صفيرة ال حمدان)
للكاتبة روشان
البارت التاسع والعشرون
ألزم چفوفك بالسلف لو مريت
وأكسر عيون الگال ما يتمناچ
وأسمي بهويتك يغفى ليله تمنيت ،والفرحه تترس وجهي من يذكروك
وأتباهـه أگلهم هذا رجال البيت ♥️♥️.
(فردوس)
مروان : كافي يا ابوية مو عيونج الحلوة راحت و حتى فلوس الصالون هم راحت بلاش
فردوس: رغم دموعي من كال هالكلمة خلاني اضحك ،،
هسه انت بالك يم المكياج ،لو يمي
جر ايدي وباسها
مروان: بالي يم روحي الجاي تدمع وتوجعلي گلبي وياها
فردوس: لا والله حسكت ،مسحت دموعي ،وبقينا نسولف. الطريق كله بس يضحكني حتى لا انقهر على اهلي
الطريق طويل جان لحد ما وصلنا للبيت بعد ما راح ضوى النهار والمزيقة وكفت دكت يم الباب وانا فوتوني للبيت امه واخته سوسن ،،اباوع للبيت كلش حلو ومرتب بقيت كاعده بالصالة لحد ما اجه هو وباس امه من راسها واخته همات باركتلنا وطلعو كلهم وراح هو وراهم يسد الباب
شويه ورد الي اباوعله اجه من الباب يفتح برباطه ويبتسم ويرفع بحواجبه
فردوس: وين راحو امك والجهال ؟
مروان: دعبلتهم لبيت سوسن
فردوس: حجاها وهو يتقرب ناحيتي ،
يااا ليش راحو !!،،باوعلي صفح وكال
مروان: لعد تردين يبقون هنا
فردوس: شكو بيها
مروان : خل نصعد للغرفة واكلج شنو البيها ،غير حتصير ملاحم فوك
فردوس: فكيت عيني على حجايته ،،عززه ملاحم شنو
كعدت بصفي وكال
مروان: ارد اطلع ضيم ذيج السنين كلها ،شو تعاي خل نحسب جم سنة واني الوب عليج
فردوس: جر ايدي وهو يتلمسها وبدا يحسب
مروان : اني ٣ سنين احبج ،و ورا ما خطبتج ودفروني اهلج الله يدفرهم
فردوس: لااا تحجي على اهلي ،والله ازعل عليك
مروان: كلشي ولا زعلج عميي اسفين بس اني بداخلي اسبهم مو بيدي ،كلما اشوفج كبالي اسبهم لان حرموني من هالخلقة سنين
هسه خل اكمل حساب
فردوس: ضحكت بداخلي عل حجايته بس مابينتله حتى لا يحجي على اهلي بعد
رجع جر ايدي وكمل
مروان: هسه مناك ٣ سنين ووراها ١٤ سنة ولچ يا ظالمة النفس ١٧ سنة وترديها ماتصير ملاحم
دكومي وياي قبل لا احط بيج قهر سنة لخ بعد
فردوس: ههههه هاي منين جبتها السنة ،
مروان : هاي مال هسة ترى كل دقيقة اعتبرها سنة وانتي كبالي وما جاي الزمج
فردوس: اتقرب وراد يبوسني من شفتي
بسرعة دنكت راسي احس السالفة قربت والخجل اكلني اكل،، وكتله
خل نصلي بالاول
أنت تقرأ
صغيرة ال حمدان
Narrativa generaleيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
