صباح الخير يا ورود 🖤
راح اوضحلكم هواي شغلات بالرواية حتى الي عندة اي تساؤلات يكدر ياخذ اجوبتهن منا
القصة حقيقية ١٠٠٪ وصلتني القصة قبل سنتين من جنت اكتب ببداية مشواري
لان الي مايعرفوني اني بديت اكتب بسنة ٢٠١٨ كتبت ٣ قصص قصيرة خلال شهر واحد وبعدين صارتلي ظروف وابتعدت عن هالمجال وتركته للاسف
فالبنت الي وصلتلي هالقصة جانت متأملة انزل قصتها من هذاك الوقت فمن رجعت اكتب هي اول وحدة رجعتلها وطبعاً احنا طول هالفترة بقينا سوى على تواصل وانوب خلال هالسنتين صارت وياها احداث بعد اقوى وحسيتني ان القصة هسه اكتملت
القصة جذبتني اكثر من هواي غيرها يعني بوقتها من دزتلي وحجتلي ما احجيلكم عن كميه المشاعر الحسيتها بوقتها من الشي الي عاشته
بنية تشمرها الدنيا وحيدة وتلكي روحها يم ناس تنهش بلحمها وبنفس الوقت تضطر تبين هي عايشه بخير ،
ظلم وقسوة وقهر وكل شي بي اذية راح تعيشه
والبنت هي جيلان الصغيرة (بت خالد) كل الشافته وهي كل مواليدها ٩٨
القصة مأخوذة على لسانها بالاضافه للعمة فردوس الي بالكوة كدرنا نقنعها حتى توافق عالقصة وتنطينا معلومات الماضي وكلشي يخص اخوانها وبالاخص خالد وحياته ويا جيلان لان هي جانت صديقتهم المقروبه وتعرف كلشي عنهم
تتذكرون من كلت الكم قبل موت جيلان كتلكم اكو صدمة بس مو اكبر صدمة بالقصة 🖤خلو هالشي ببالكم
وارجع واكول القصة احداثها من ال٩٠ من عدا البارت الاول الي جان يحجيلنا عن بدايه حمدان الي هو مواليد٣٨
فقصتنا بلشت ويا خالد من ٩٠ وراح تنتهي لهذا وقتنا
اني مو من النوع الي احب اطول بالقصة راح نمشي وياهم وناخذ الاحداث المهمه الي مرت بحياتهم بحلوها ومرها ،
اتمنالكم متابعة شيقة وبالنسبة لطول البارت جنت اكتب ٣٠٠٠ كلمة راح اخليهن هالفترة ٤٠٠٠ لعيونكم بس لان رمضان وضغط ولود عالي ان شاء الله نعدل وقتنا بعد رمضان
احبكم 🖤
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
