صغيرة ال حمدان

البارت الواحد والاربعون

انتظرو بارت بليل هدية🖤

(صغيرة ال حمدان)
للكاتبة روشان

البارت الواحد والاربعون

اروحن وين ؟
مامش واحد من اهلي ...
واجر حسرات !
بس الناي احس مثلي ...

اروحن وين ؟
واشوف اوجوهم تطرد ..
وين الگه !
اليفك قلبه ويگلي اگعد ..

انه المبيوگ !
ضحكة وتاهمينه بحگ ..
انه الطفيت !
نار الناس وادري بنارهم تحرگ ..

لا دنيه التحن !
ولا وكتك يگلك هاك ...
عليمن تنحسد !
واخوان ماكـو اوياك ...
(هدية من متابعة)

هذال: ساعة ١١ ونص طلعت من الغرفة ما جاي اكدر انام نزلت جوة وطلعت للبستان وجكارتي بيدي هستوني كعدت وسمعت الباب انفتحت وراي

انداريت بسرعة شفته جواد طلع وماعرف شبي مخبوص
مجان يدري بيه ورا البيت ،صحت عليه وانا اوكف على حيلي ،هو من سمع صوتي فز

جواد: هاا هذال انت هنا اا ؟!

هذال: شبيك ولك وين رايح بهالليل ؟وليش منا طالع؟!!!
بقيت صافن عليه هو بين عليه التوتر

جواد: هااا. مو هشام دز عليه كال اريدك بشغلة

هذال: ادري بهيج وكت شغلته؟!وشنو هالشغلة

جواد: ما ادري هذال ،،دخل اروووح واشوف

هذال: بقيت اباوعله ورافع حاجبي ما عجبني وضعه وبس يريد يفلت
عفته ورجعت لمكاني بداخلي كلت اذا شي مهم اول وتالي رح اعرفه ،بس ما انكر انه الفار لعب بعبي ،
.
.

جيلان: حجيت لعمة كلشي وبكل تفاصيلة وكل موقف اتذكره وياه احس روحي تطلع وعيوني تغورك بالدموع والخنكة تلزمني ،

واصفن على روحي شلون هيج اتحملته يمكن هواي بنات غيري جان شافو وضع حيدر عادي ومو اول رجال يشرب وياخذ حبوب ويسب ويغلط بس اني ما اقبلها على روحي،
اني ما سويت شي غلط بحياتي وجبتها كلها بقهر وظلم لعد ليش اتجازه اتعاقب بهيج رجال؟!!

جان عقابي وحرمانه مني هو عقاب اله مقابل كل عقاب سواه بحقي ،فززتني عمة من دوامات راسي بعد ما كملتلها الحجي وهي يا تصفن ياتشهك وتدمع وياي
رجعت حجت

فردوس: سودة علية يحبيبة كل هذا شفتي واحنا ماندري الله يكسر ايدك حيدر ما جنت اعرف بيك هيج نذل ،،

جيلان: بقيت ساكته اسمعلها وفجأة صدمتني من كالت

فردوس: بس انتي ييمة غلطانه حيل بسوايتج

جيلان: باوعتلها بأستغراب ورافعت حاجبي !!
بشنو غلطانه اني عمة؟!

فردوس: وين اكو مرة تمنع زلمتها منها كل هالمدة ،وج يمه ترى الزلمة عقلة وتصرفاته وكلشي بي محكومات براحته ،وانتي بيدج خبلتي عليج ،،