بعدني ممعدلة البارت كاتبة نصه بالسيارة والله 🥺
(صغيرة ال حمدان)
للكاتبة روشان
البارت السادس والثلاثون
#شايف لْـۆ لگيت العنده زعله ويا ك
وتعاند بروحك #ماتباوعلـه
تريـد تگلـه #احّـّـٌٍـٍّبّكَ تسكت وتنـدار
ترجـع #تلتفـت وعيونـك تگلــه
جيلان: طكيتها بضحكة بصوت عالي من بين الدموع
ههههههههههههه اني اتزوجك؟؟!!
اني اتزوجك وانت هاي امك !!!!!اكرررررررررهك هذااال اكررررهك مووووووت .....
لتوصلنييييييي والللللله اكتل روحي اذا تتقرب
هذال: اااخ يالله مو حجاااية نااار وشالتني وشمرتني بيها ،واللوعة الصارت بروحي ماتنوصف ولا تنحجي ،،ارد اجرها لحضني واكلها هذا بيتج مو تكولين بيتي هنا ،بس صراخها ونظرة الكره الي بعينها الي جانت كفيلة تهد حيلي بكل ثانية،
بعدني واكف يمها واجوي جواد وسرى للغرفة يركضون من ورا حسها العالي
وراهم فاتت امي ما جنت بحاله اكدر اشوفهم ،كل الي مركز بي هي حالتها
راحتلها سرى بسرعه وهي وكعت بحضن سرى تبجي
جيلان: خلل يرووووووح فدوة عليكم الله بروح النبببي خل يروووح والله ماريده ماااريده ،،احجي واشهك وضامه راسي بحضن سرى
ماريد اشوفه كل الي اشوفه بي هو كره على خوف حتى شكله يخوفني ويرعبني وكل لشتي ترجف
سرى: متنا خوف من شفنا وضعها ولوما نعرف هذال شنو من شي وشكد يخاف عليها جان كلنا متعرضلها لو مأذيها وهيج متخبله منه
وهو الخوف الي بعيونه عليها شال حاله شل ،،ويريد بس يتقرب يعرف شبيها
جواد: هذال شصاير ليش هيج تصيح ومتريدك !!!
هذال: وك واللللله مادري ماااااادري رح اتخببببل هي شافتني كامت تصيح ،،حجيت وانداريت لجيلان حجيت بتوسل
جيلاان حبيبي باعيني بس باعيني انا شسويتلج لا تخبليييني ،صرخت
سرى : هالنوب هو صرخ وهي اتخبلت بالزايد كامت تصيح
جيلان: رووووح فدوووه فدوه وخروووو ماريددده
اكرهههههك
هذال: اجه جواد عليه بسرعه كام يجر بيه وانا مثل الحجارة صرت
جواد: هذال اطلع شبيييك خشبت هنا اطلع خلنا نشوف شبيها متخبله
فلك: امشي يممه شعندك يمها ماتشوفها ماتريدك هالچلبة ،عيفها واطلع هاي البكد النعال تتنعت عليك ،
سرى: جواد طلع هذال بالكوة وامي طلعت وراهم وركعت الباب ،،وجيلان بعدهي بحظني ترجف بقت شويه من شافت سنطة وحسيتها كامت تهدى لحد ما سكتت
شبيج يا عيني،جيلان ليش هيج تسوين وج انتي محد سامعلج حس بالبيت شجرالج اتخبلتي وعليمن؟؟!!! على هذال !!
جيلان: احس بروحي جنت بحلم وفتحت منه مجنت حاسه بروحي شسويت اخر شي اتذكرته من دخل هذال للغرفة
وهسه من طلع يلا رجع وعيي الي وسرى يمي جاي تحجي بقيت صافنه عليها لحد ما كالت هذال
احس نار واشتعلت بيه ،جهنننم جاي يذكرون كبالي وجحيمي مو مجرد اسم ،،صرخت بسرى
لتكوليييين اسمممه لتكوولييي
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
