وهذا بارت من وكت وبعون الله تكعدون الصبح محظرتلكم بارت ثاني هدية 🖤
(صغيرة ال حمدان )
للكاتبة روشان
البارت الخامس والعشرون
أَنَه عصفور شارد من رصاص الناس
خليني بـ قفص صدرك
صوتي و جنحي متعوبات ماضرك
.(جيلان)
جيلان: اخذت الجداري مال لحم والعجين حتى اغسلهن واني واكفه عالسنك وجان اسمع عيطة فلك وكعت الجدرية من ايدي انداريت
لكيتها واكفه يم الصياني وفاتحة عيونها كلهن
كلت بگلبي ...جاك الموت ياتارك الصلاة
اباوعها عيونها براسها وعاطت ولزمت دشداشتها من الشوطه واني صافنه بوجها
فلك: يبووووووو عليج وعالخلفوج وچ شمسوووويه
تردين تموتيني والله لاشعل سلفه سلفاج بت الكللللب
جيلان : شو هاي جتي عليه تركض جرتني من زندي وحصرتني عالحايط
عمة والله ماعرف اسويهن بيدي وسويتهن بالقالب
فلك: وچ يا كلبه بت الكلب مو علي هاي سوالفج تغشمريني ولج الا اطلع روحج بيدي عبالج مادري تسوين هيج حتى تشعوطيني
اليوم اشعل اهل اهلج
جيلان : هدت ايدي بقيت صافنة عليه شو هاي راحت للتعلاكه مال ادوات المطبخ الي بيها الجفجير والجمجة وجرت الجفجير وجتني طايرة تكلي
فلك: اليوم اشطبج والعباااس انا وحدة مثلج تحرك افادي
جيلان : اني شفتها اجتي واحس كلبي وكع بين رجلية وعطت
يمممممه وركضت اول شي كبالي باب المطبخ مفتوحة طلعت اركض للحديقه وهي تركض وراي وتسب وتفشر
خليتها تفتر ورايه الحديقة ٣ مرات وبالثالثة كمزت وطلعت ورا البيت اريد بس اوصل لعمة فردوس
ويا ما شافتني عمة وصلتلها الهث مادري من الركض مادري من الخوف
فردوس: وچ شبيج يمممه وشنو هالصياح
جيلان: صفنت على عمة اريد احجيلها بس انفاسي رايحة من السرعة وماحسيت الا انركعت على ضهري بقوة يمكن الجفجير لزك على ضهري من قوة الضربة فرفحت وكمزت من الوجع وصرخت اااااااييييي و طكيت بجي ،واجتي عمة تركض عليه جرتني ورا ظهرها وكامت تصيح على فلك
فردوس: صددددددك تحجيييين، ليش تضربين البنية انتي متخافين ربببج
فلك تريد تجرني من ورا عمة حتى تضربني
فلك: وچ ساااااقطة تركضيني وراج الا انعل شيب الخلفوج
فردوس: كاااافي بسسسج غلط اذا يسمعج ابوي يشرررج عالحبل والللله
فلك: انتي انجججبي انتي الخ ،لا احطج واطحنج فوكاها وانا مو الف مرة اكلج لا تتدخلين ترى اركبتج بيدي والعباس اطلع كلشي واخليج تشبعين مي ورد بالنجف بمچان متوكفين بوجهي
جيلان: كملت حجيها ويا عمه ورجعت تريد تجرني واجتها سرى هم تركض
سرى: يممه عليج بروح اخيتج لا تضربيها فدووة يممه
فلك: ولمممه تلمج واخلص منج انتي بعد ،انا مو كايلتلج لا تحلفيني بالغالية
سرى: والله متضوجج بعد جيلان بس عيفيها فدوة بروح خالتي
فلك: من امداااااج انتي وبت عمج السكط يا عارات
جيلان: غمتنا وراحت
اندارت عليه عمة وعيونها مليانه خوف واني الدمعة بعيني بعدها
فردوس: ليش ضربتج يمه شسويتيلها وهيج شايطه واجت مثل الثور الهايج
جيلان: مسحت دموعي وسكتت وحجيتلها الصار كله وانا احجيلهن اتذكرت شلون خليتها تركض وتفتر ورايه بالحديقة مثل الي يلعبون ركيضان وخربت ضحك
وهاي سرى وكعت بالكاع تضحك وعمة حضنتني وكامت تضحك عليها
فردوس: والله عليج سوالف شلون مشعوطة كلبها تستاهل ،و هسه الكبة طلعت شحلاتها لن من ايدج
جيلان: والله احلى من مالتكم
فردوس: يلا لمو الخبز هسه برد خل نفوت جوة عاد
مو الشمس حركتنا
جيلان: دنكت حتى الم الخبز الي جان محطوط بالكاع على قطعة قماش
وجاي نلم بي اني وسرى وعمة كملت لمت التنور وغراضه واجت
فردوس: شو حبيبه خل اشوف ضهرج
جيلان: وكفت يمها جنت لابسه تراك التيشيرت مالته عريض فبس رفعته بسرعة بين ضهري كله هي شافته ولطمت على صدرها وشهكت
فردوس: يممممه سودة عليه الله يكص ايدها ولج سرى شوفي امج الله لا وفقها بجاه الحسييين
شوفي شمسويه بضهرها
سرى: عزززه والعباس طابع الجفجير بالجلد ولج شلون ساكته هيج حتى مكان الضربه عبالك متفركس هاي لو انا الا ابقى شهر اعوي
جيلان: نزلت التيشيرت وباوعتلهن بقهر وكلتلهن ،مو بجيت بعد شسوي خوما ابقى ابجي
أنت تقرأ
صغيرة ال حمدان
Fiction généraleيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
