صغيرة ال حمدان

البارت الثاني والعشرون

مساء الخير يا ورود🖤
هالبارت مشكل لعيونكم قهر على تشفي بفلك متبعين مقوله سلط يا مسلط ،والدلال الي عاشته جيلان من كل الي حبوها على محبة ابوها ،بس ✋🏻من توصلون القفلة عذروني وانتظرو الحقيقة ببارت ياجر ان شاء الله
وشتعرفون عن كاتبتكم تنزل البارت بدون مراجعة 🙈حتى لا تتاخر عليكم🖤

(صغيرة ال حمدان)
للكاتبة روشان

البارت الثاني والعشرون

خلوني اقرة الفاتحة
سافر وليدي الحباب
لهناك ...يم داحي الباب
الله اكبر يا علي
ترى ضاكت وحگ رب الولي
صرت مثل ال لا حضت برجيلها
ولا خذت سيد علي،،
لك عولت گرب حصادي
واهلي وربعي كسرو منجلي
وكمت كلشي ماميز بعد
ياهو ضدي وياهو الالي
(حال حمدان)

فردوس: حلم وراح نكعد منه هيج انا بكل لحظة اكول،، حلم واخوي راد لبيته وضحكته تخيط الگلب الي اتشككت جدرانه
وما اشوف امي الكبال عيني وهي اتملخ بروحها ولا اشوف خواني كل واحد بيهم زاد فوك عمره عشر سنين ولا اشوفهم مثل النسوان اصوات بواچيهم توصل لاخر الدنيا
ولا اشوف ابوي اوووف منك يبوي راح خالد وهسه حنيت اله !!
هسه جاي تنوح وليلك ما تنامه من حسرة گلبك عليه ،وحسرة گلبه هو ؟؟ وحسرة گلب اخوي عشر سنين بس راد الكلمة منك ،بس راد تحطة جوة جناحك بس راد يحس بحنانك وانت شمرته بالشارع،
كلها احلام وارجع وافز منهن على دموع بنيته النايمة بحضني ودمعها ما ينشف لحد ما تتعب وتنام
اخليها بحضني وانا اتمنى احد يلمني بحظنه اتمنى ايد تنمد لصدري وتشلع گلبي ولا ييقى بوجعه هذا،
كلي يخوي كلي ياقطعة من الگلب يا شداد الظهر ابيش احير بگلبي وروحي الي مفرفحة عليك احير ببنيتك وغزالتك الجاي تنازع عليك
احير بامي الجاي تنتهي كبالي وحتى روحها ملختها
لو بأبوي وگلبي المحروك منه لان خلاك تموت بحصرتك ،ااااخ يريي طفي نارنا الشاعلة بصدورنا
رواحنا شاطت بغياب الغالي ،
صار ٣ ايام الدنيا مكلوبة يمنا من اللحظة الي اجه سلام وكال خالد مدعوم وحالته خطرة ورجعو بنص الليل جوي وجابو بنعشه وخلو كدام عينه
وانا مثل كل صدمة افصل من الدنيا واوكف يم الحايط
بس شكد مر عليه فراك وموت بس ماكو شي حرك گلبي بكد موتك يخوي،
اباوع التابوت بنص الصالة وامي وابوي واكعين عليه
جيت يخوي مثل ما ردت وصرت بحضن امك وابوك بس وانت بنعشك يبوسوك ويشموك وانت ما تكدر تبوس راس ابوي ولا تكدر تحط راسك بحضن امي وتجر ايدها وتبوسها،
ما قبل ابوي بيومها يطلعه باليل يدفنه وكال الا ابيته بييته
بيته يبوي!!!!! من مات صار بيته ونومته بي !!
خلاه بالمظيف بيومها وما خله احد يوصل يمه بس هو بقى مكابل التابوت وكاعد يسولف وياه ومحد يعرف بشنو لحد ما طر الفجر وراحو للدفنة
من يومها ابوي كاعد وحاط راسه على عكازة وينوح
وامي الوجها راح من اللطم والنوح والتنعي ويا كل شوغه تملخ وجها وروحها وبالكوة نلزمها لو انا واخلاص لو جنات وابرار وصلت مرحله كامت تتخربط ونذب عليها مي يلا تصحى
اخر شي اليوم الثالث ما خليناها تكعد بالفاتحة نومناها بغرفتها ودزينه عالمضمدة اليمنه ضربتها ابر حتى تبقى نايمة وما تطلع من الغرفه لان لو طالعه بيومها وشايفة الملاية والتنعي مالتها بالثالث چا موتت روحها وراه هو احنا وكضينا وبقت بس شهكاتنا ورواحنا المفرفحة تلالي ،