صغيرة ال حمدان

البارت الرابع

مساء الخير حبايبي 🖤
عالاقل الي جاي يقرون الرواية ممكن تفاعلكم وياها حتى اكملها واذا عجبتكم اتمنى اشوف تعليقاتكم ونصائحكم لاصدقائكم حتى يقروها
طبعاً هاي البارتات لحد الان هي احداث من حياتهم قبل لا تبدي المشاكل والصراعات يعني بعدكم ما شايفين شي🖤

(صغيرة ال حمدان)
للكاتبة روشان

البارت الرابع

فردوس:طلع خالد وراه بشوي جتي ابرار و وراها امها

فلك:ها يالمصخمة هاي شبيج ثوليتي،هالنوب مخبلة الوليد علينا

فردوس:اي ثوليت وانعميت همات ،يعني انا ميخالف ما اتعاجز من شغل ولا افكن حلكي بكلمة بس مو اهيج تدوسون ببطني ،مجاي الحك اركض منا ومنا حتى اكمل شغلة واروح عالبعدها وهاي كدام عينج الصار بيه
رحمة لاهلج ترى انتي جبيرة البيت من امي ماكو بس شويه رحمينا ومدي ايدج ويانا هاي مو امي رغم احنا نشتغل وهم جانت تساعدنا وجاي تشوفين احنا مو نفرين او ٣ احنا عايله جبيرة ويرادلها نسوان تركض حتى تلحك شغل البيت وانتي عايفتني وحيدي وحتى الطبخ صار علي
وانا كليتني شوي اكبر من بتج ،هو صح انا اركض وما احجي بس مو هيج تستغلوني

فلك:والله وطلع لسانج تعالي هفيني بعجل (راجدي)همات شو انتي ما تحترمين جبير

فردوس :ترى انا ما اتجاوزت عليج ولا انا متربية تربية عوجه حتى اتجاوز على احد وكلامي وياج جان بالعقل والادب فلا تطلعيني انا الغلطانة كوه
وانا روحي واصله لخشمي من الوجع ومابيه حيل اتحمل وجع راسي همات
وانتي ست ابرار بلايا زحمة عليج تعالي وياي نلم الخبز من برا قبل لا ينشف
جاي اطلع من المطبخ واتذكرت ورجعتلها
ها فلك وترى اخوي خالد مو عربانة حتى ادفعه لواحركه على حد ،وهالكلمة ما تنكال بعد لا منج ولا من غيرج هذا خالد مو عباس ترى
ماعرف منين طلع لساني بس من لوعه گلبي والوجع طكيت عليها
عفتها وطلعت لميت الخبز وجان باقي كم شنكة عجين ردت اذبهن واستغفرت ربي حرام النعمة تنذب اهيج واكو ناس تتحسر عليها
اخذتهن وياي للمطبخ وغطيتهن ولكيت فلك جاي تكمل تركيب
بقيت افكر شسوي بيهن اخذت الجولة الي تشتغل عالنفط وشغلتها على صفحة وخليت الجدر عليها بالمكلوب وطركت الشنكات بصعوبه من ورا وجع ايدي وخبزتهن عالجدر وكملتهن وخليتهن ويا الخبز
وبعدين نزلت اخلاص شافتني

اخلاص:وچ هاي شني ايدينج

-انصمطن بالتنور
-يا عزه العزاني شجرالج ولچ
-بعد قدر
المهم تعالي هسه خل نسوي زلاطه وخلي لبن مبقى شي للاذان
واحنا نحجي دخلو عباس وبرهان وهذال
والجهال جانو برا بالحديقة يلعبون ناصر ومسرة وجواد الي عمره ٣ سنين جهال عباس الصغار وياهم هاشم وحيدر ولد سلام هاشم بكد ناصر مواليد ٨٥ وحيدر بكد جواد هن سوى يحملن

صحت هاشم لان شفته دياخذ حيدر ويطلع
تعال عمة وين رايح

هاشم:ارد لبيتنا هسه امي يضل بالها كالت من يجون عمامكم ردو لان تعبانين خطي ما نسوي هوسه