صغيرة ال حمدان

تكملة للبارت السابق(هدية)

وهاي هديتكم حبايبي 🙈انطوني انتو هديه بتفاعلكم يا ورودي 🖤
بعدني ممعدلة البارت🖤والي اقصده يعني بعدين ارجع اراجعه واعدل سحكات الكيبورد🙈

(صغيرة ال حمدان)
للكاتبة روشان

تكملة البارت الثامن والاربعون(هديه)

أدري بيك تحبني وبشوكي تذوب
وأدري عنك لــــو غبت تشبع قهر
وما نسيتك جنك انتة اللي نسيت
خلصت عمري الك يـــامــا أنتظر
كافي ارجع تدري كل لحظة اموت
وليلي مــايكدر بعد يحمل سهر
تدري بفراكك جهنم من تـــروح
وابقى جم دوب انتظر فوك نجوم
.
.
.
جواد: وچ والله مسويج منصبه ،هذا هياته مروان كاعد جوه يم ابوي .

فردوس: جنت فاكة عيوني كلهن هسه الحلك هم انفك للاخر ،وعطت
شنووووو؟!!!!

جواد: هههههه اي والحسين جوة شبيج ما تصدكين

فردوس: كمت امسح بدموعي بسرعه مثل المخبلة ،وحجيت
چا والحجي مال هاي الجلبة،،وانت بطل ضحك عااااد

جواد: مو اكلج مسويج منصبه هو وجهاله ،هههه

فردوس: امشي انزل لك وهاك اخذ ذولي وياك انطيهم لابوهم كبل لا احطهم واهطرهم من القهرة الاكلتها عالخالي بلاش ،

جواد: امشو يابه امشوو رح يطكن فيوزات عمتي القالية هسه تسوينا هريسة

فردوس: جرهم جواد وطلع وهو يضحك عليه ،واني واكفه مادري انقهر وابجي عالصدمة الاكلتها لو افرح لان مروان اجه وادري بي جاي يصالحني وياخذني ،لان لو عليه وهو بعده زعلان جان يبقى سنه ميشوف جهاله ولا يجي ويوصلني
ادري بي وعرفت راسه اليابس زين ،

بقيت كاعده بالغرفة والوكت يمشي وشو هذا ماكو ما دز عليه وانا كاعدة واتكرضم واحمس بروحي ،وكلساع ماده راسي من المحجر اتصنط والصوت ماكو
عززة العزاااني بس لا هالنوب اخذ الجهال وراح حتى هالمرة انزل اركص عالدرج من القهر ،
واني مادة راسي من المحجر بعد شوي واتكربس بنص الحولي
وجان هذال يجي للحولي وباوعلي ليفوك باستغراب وضحكة

هذال: يعني من واكفة هنا وساحلة روحج سحل ،بعد شمنتظرة ليش ما نزلتي ؟!!!
لو تبيعين ثكل عالخالي بلاش ،

فردوس: باوعتله وعقجت حلكي وكلتله
ليش عالخالي بلاش ،ميته عليه وانزل من كيفي ،اذا مو هو يطلبني فلاااا اجيييي،

هذال:اوخ اوخ وك شنووووو هاااااي والله طلع عينجن التركي وصرتن تتفيكن براسنا ،دتعاي عاد مو طكت مرارته للرجال صار ساعة من سأل عنج واخوج لازك بي ودك سوالف خلاه يسب ويلعن الساعة الاجه بيها عليج

فردوس:صايرين حبايب وانا ما ادري ،الله يثخن لبنهم

هذال: دنزلي عاد وصيحي مرت اخوج خل تصيح رجلها حتى يفك ياخه من الزلمة