وهذا البارت مثل ما وعدتكم 🖤سهرت حتى انزلة الكم وماكسر بكلمتي 😘
بس عيوني طفو ومراح الحك اراجعه🙈😂فمن اكعد من النوم اعدله
(صغيرة ال حمدان)
للكاتبة روشان
البارت الثامن والعشرون
اتحدى البعد يجبرني يوم انساك
وعمت عين الصدف غيرك يشوفني
رغم بعد المسافة وانت ترس العين
والناس الشفتهم ما جزو جفني
خيالي اشكد صور ماخذلك ولقطات
من اشتاك كلش بيه يسعفني
شلت حبك حرز يحفضني من السوء
واحلف كمت بسمك من يحلفني
ابجي بحضرتك بجيت طفل مفطوم
واتوسد احضانك لو تجتفني
جيلان: للعصر سمعت عمو برهان يحاجي عمي عباس وكله العصر لتطلع من البيت خابرت سلام همات جاي
اريد احجي وياكم بموضوع ،اني سمعت عمي منا لو كلبي وكع كلت اكيد علمود موضوع عمة فردوس واخاف يسوولها شي
وماكو غير هذال يكدر يفهم شبيهم ،طكيتها بركضه اريد احجي لهذال الي اتغده وصعد نام
كلت اروح اكعده حتى يلحك على اجتماعهم الماعرف شناوين بي
وصلت لباب غرفته واني الهث من السرعة وحتى نسيت ادكها كبل جفتت للغرفه
وهم جانت ظلمة كالعادة ساد البردات ومشغل المكيف والاضويه كلهن مطفيات
بس من فتحت الباب دخل ضوى للغرفة وصلت يم راسه بسرعة وصحت بصوت ناصي
هذال
شو هذا ما كعد ،دنكت قريب على اذنه وصحت بصوت عالي كلش ،، هذاااااال
شو هذا انفض من مكانه مثل المخبل وصاح خلاني ارجع ليورا بسرعة
هذال: شكو شكووو هم مصيبة لخاطر ربكم بيت لو شنووو
جيلان :ماااكو مصيبة شبيك هيج فزيت قابل شسويتلك هو بس صحتك ،باوعتله بأستغراب
وهو رد بعصبيه
هذال: اذا اكوم اشعلهم كلهم هسه هم احد يكلي ليش ،انتي مخبلة بابا اكو واحد هيج يكعد
جيلان: باوعتله بثقه واحس بروحي صايره احب اجادلة هواي ماعرف ليش ،كتله
المن تشعل
هذال: عشيرتج كللللها
جيلان: هي مو عشيرتك همات، لعد اشعلهم
هذال: طولان لسانج والله ،ويرادله حششش انا كتلج لا تخافين من احد بعد بس مو معناها تنجلبين علي انا
جيلان: رديتله بهدوء ،،ما انجلبت اني
هذال: اييي وااااضح ،ما كلتيلي ليش كعدتيني ؟
جيلان: يبووو نسيتني
هذال: والله محد نساج غير جلابتج
جيلان: اهووو هذال قبل جم يوم تكلي زمال وهسه جلب ،ترى والله اضوج ما اقبل تحجي عليه
هذال: باوعتلها ورافع تك حاجب بخباثة وكلت
ميخالف انا عمج ويصير احجي عليج براحتي،
جيلان: انتتت مو عمي مووو عمي لتكول عمج بعددد
ماحسيت بروحي وشلون طلعت مني هالحجاية بهالنترة وهالاسلوب بس اباوعله هو سمعني وكام يضحك
هذال: هههه هذا هو حبيبة مو عمج انا ،،تعالي احجيلي شصاير
جيلان: جريت نفس وهديت نفسي وكتله ،
عمو برهان راح يلم عمامي ويحجي وياهم بموضوع واني خفت على عمة اكيد راح يحجون بموضوعها وكلت اجي اكلك حتى تكعد وياهم وتفتهم
هذال: جنت ادري بعمي برهان يريد يفاتحهم بطلب مروان ،،بقيت ساكت واباوعلها وهي صافنه تريد تشوف ردة فعلي وليش ما اتحركت ولا سويت شي بعد الي كالته فحبيت العب بأعصابها وكلتلها،
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
