صغيرة ال حمدان

البارت السابع

مساء الخير احباب قلبي 🖤اريد اشوف تفاعلكم وتعليقاتكم ورأيكم بكلشي 😍

(صغيرة ال حمدان)
للكاتبة روشان

البارت السابع

ردت اكلك !!
لاشعرهم جاس گلبي
ولا اغانيهم خذتني
وانت بس الوكعتني

خالد:انداريت وشفتها واكفه يم الباب ابتسمت وهي ردت الابتسامة

جيلان :مرحبا
خالد:يا هلا وكل الهلا
جيلان:بعدك على حچايتك ،تكدر تساعدني بمادة ال (....) يعني اذا ما اخذ من وقتك اكو شغلات مجاي افهمهن وماعرف احد غيرك اروحله حتى يساعدني

خالد:اسمعها واني ابتسم بداخلي اكول واخيراً بس لازم روحي بالكوة ،احمم
عدلت ياختي ورديتلها
اكيد اساعدج و وقتي كله الج لو ردتي

جيلان :شكراً الله يوفقك
خالد:تردين هسه اشرحلج

جيلان :لا مباقي شي لنهاية الدوام ان شاء الله باجر امرلك

خالد:تمام انتظرج

سلمت وراحت انداريت على مروان راد يحجي رفعت اصبعي كتله
اشششش ولا كلمة ديربالك تفك حلكك احاجي واني مسوي روحي اعصاب
واني لازم ضحكتي بالكوه على منظره واشوفه شلون يبلع الحجي جان يريد يخرط وما خليته .

رجعنا للشقة بدلت وتغديت وكعدت اكمل المواد العندي حتى منمت الضهر احس بيه طاقة رهيبة وصار العشى مخليت الولد يسوون
كعدو اني اسوي

محمد:دخل اساعدك
مروان:عوفه منطلق اليوم الله ربه

خالد:ها مروان ردينه
محمد :شبيكم شصاير
مروان:لا يمعود ماكو شي بس هو نفسيته مرتاحه اليوم

خالد:عفتهم ورحت سويت العشى كباب عروك اتعلمته من فردوس وياه بتيته تگلاه وطماطة لاجعة ودهينة والزلاطة اسوي وانا منطلق وادندن واغني ويا روحي
كملت واخذت الصينية ورحتلهم شفت بس محمد
ها ولك وينه مروان
محمد: غير هو كاعد هنا ويشتم الروائح ما اتحمل طفر يجيب لبن وخبز حار

طب مروان من الباب
مروان:كفيلكم العباس خوما اكلتو شي
خالد:هههه تعال ابو نفس الدنية ،بعد محد مد ايده
من تكمل تغسل المواعين
مروان:عمي حتى البيت اغسلة بس خل اكل مو مصاريني اتكطعت من الجوع

اكلنه وكملنه ورحت انا اكمل دراستي ،مروان ما يقرا بكدي يادوب كل يوم بليل قبل لا ينام يكلب بالكتب عالسريع والحل يتوسل بيه وياخذه مني دايما
بس انا جنت ادرس هواي وادور كتب ومصادر خارجية وجنت من المتفوقين الحمد لله
كملت دراسة وكمت حضرت ملابسي وكويتهن ونمت من وكت حتى اكعد نشيط الصبح
وكعدت من الصبح سبحت ولبست ملابسي القميص من كد ما لحيت عليه بالكوي احس الياخه صارت مثل السيوف
خليت العطر ترست روحي لحيتي مزينها ورتبت البكلة جان شعري عالي وكالبه صفح ورافعة
وعدلت شاربي الطويل ولونه على جوزي لان بيه خيط شگار طالعين لامي انا وفردوس وسلام والباقي سمر على ابوي
اباوع لروحي بالمراية واتخيلها هي شلون حتشوفني وراح اكعد كبالها اليوم يابووويه
اخذت السويج وغراضي ونزلت
طلعنا للدوام بسيارتي كملت كم محاظرة وكلما اطلع عيني عالممر الي تفوت منه واخيراً اجت
تتمشى بهدوء وثكل وصلت يمي سلمت وكتلها نروح للمكتبة نقرا
ورحنا وكعدت كبالي وتباوع منا ومنا
خالد:خير خوما بيج شي ،ليش متوتره
جيلان:لا بس
خالد:بس شنو !!
جيلان:اول مرة اكعد ويا احد ،يعني اقصد رجال
خالد:ميخالف اهدي شوي ولا تخافين ترى جاي ندرس وعايني المكان مليان طلاب مو وحيدنا فلا تخافين وتتوترين حتى تفتهمين بسرعة هم تمام؟
هزت براسها ،