صغيرة ال حمدان

البارت السابع والثلاثون

بارت اليوم نزلته من وكت لعيونكم
وان شاء الله اعدله بعدين 🖤
(صغيرة ال حمدان)
للكاتبة روشان

البارت السابع والثلاثون

گلوله فلت وانگضت
بس ابد لآيدنالها
گلوله مـآتدري الصدگ ؟
تمسح دمعهآ بـ شالهآ

گلوله لـو صـآر آلعصـر
چـم حـزن يآكل بـآلها
گلولـه مـآ خآنت ولك خـآن آلدهـر بآحوالها💔
.
.
.
جيلان: اقبببل اني اقبل ،باوعت لحيدر بخوف وبجي وكتله من بين دموعي ،،،اقبل اتزوجك

هذال: شايف من رياتك مابيهن شي والهوى موجود بس انفاسك تنكطع ،،،
انفاسي راحت ثواني بكلمتين منها خلتني اجمد وحتى النفس وكف ،شوي ورجعت جريت الهوى بس مو هوى ملح جان ملح وطب لجروحي البصدري
ورجعت صحت بوجها ،،وج جيلاااان اذبححححج هنا شجااي تخربطيين ؟!!!!

حيدر : وخر منها لا اني الاذبحك كاافي عاد مصختها هواي ،جاي تكلك ماريدك

هذال: احس كلشي بوجهي كام يرجف من الاعصاب مو بس جسمي قبضت ايدي بقوة وحجى عمي

سلام: انجججب حيدر مو وكتك ووكت هالسالفة احنا بيا حال وانت تتخطب متشوف حالها شصايرله،هي مال زواج هسه انت تخبلت ،،

حيدر: اي مااال زواج ،لعد هذا على اي اساس يريد ياخذها وهي متريده،مو يكول هاي وصية جدي واني جاي امشي على وصيه جدي حتى تبقى جيلان بعيدة عنهم ومرتاحة
ما طلبت شي عيب لو حرام وهي قابلة مالكم دخل انتوووو
اطلللع منها هذااال عوف البنيه ترتاح وراحتها يمي مو يمممك

هذال: كل كلمة حجاها دكت بذني وبكل عصب بيه ،مادري شلون سكتت بس احس شي جواي يكلي انتظر وعيفه يكمل حجي
لحد ما كال راحتها يمي مو يمك واشر بأصبعه على صدري وانا ايدي الجنت قابضها وصاك عليها شلتها بحرگة ووجع شكو بيه وجع طلعته بهيئة قوة وضربته بوجهه بلحظة حسيت شي من وجهه طك من الصوت الي سمعته حتى مادري وين ضربته بخشمه لو بفجه بس وكع بالكاع وانا رجعت شلته من ياخته وكفته كبالي وهو تلازم وياي بس اشوف وجهه انكلب والدم ينفض من خشمه راد يضربني وانا لزمت ايده ورجعت ضربته ببطنه واجه هشام جلب بيه وعمي واكف بنصنه يصيح وهو يريد يتهدد عليه رغم بالكوة شايل روحه من الضربه
وصراخ مرت عمي وتوسلها عووفه وعوفه يمه ،
دفعت هشام ومشيت بسرعة لجيلان الجانت خاتله بالفتحة الي بين الكاونتر والثلاجة والخوف تارس عيونها
وانا ما ابالي شي غير بس اريد اخذها واطلع ،وعمي وهشام حارو بحيدر الي وجهه انكلب وورم بسرعة وخشمه اكيييد انكسر ، سحبتها من ايدها وهي رجعت ليورا وحجت بخوف وهي مغمضه بكل قوتها خلتني اشتعل كأنما شايفه شيطان كبالها وخايفه منه ،،

جيلان: عووفني ماروح وياك

هذال: عالنار البيه ،هسه لو تموت كدامي هم ماعوفها جريتها بسرعه طلعتها من مكانها وهي تجر وتسحب بيدها مني حاوطت خصرها بيدي وثبتتها بقوة وشلتها جان وجها على صدري شلتها وطلعت بسرعه وهي تدفع بيه وتصيح وعمي عاف حيدر واجه ورايه بسرعة