صغيرة ال حمدان

البارت الثلاثون

حبايبي اكو بارت ثاني للصبح انزله الكم هدية او عيدية🙈حتى لو قصير اعتبرو تكمله لهذا ،وعذروني عالتقصير
احبكم 🖤

(صغيرة ال حمدان)
للكاتبة روشان

البارت الثلاثون

كانت تُـرقع قلبها
، والكل يضحك حولها
لا يسمعون . . صوت الأنين وخطبها ،
تخفي الجراح بثوبها ، والكل يمدح ثوبها
، لا يعرفون . . ماذا الذي حل بها
، كـانت تُـرقع قلبها ،حين بكت ، حين دعت ، "يـارب أجبر خاطري "

هذال:ولج صغييييرة والله ،والحسيين صغيرة شلون كدرت احط گلبي وعيني عليها ماعرف ،انا رجال شكدني شكبرني شلون اوكعت هالوكعة !!
ولج اعشگها وروحة لخالد اعشگها لبنيته

فردوس: جريت نفس وكتله
ادري بيك تعشكها ،،،،،

هذال:انصدمت من ردة فعلها ،
شنو تدرين لا تخبليني !!

فردوس:ضحكت بداخلي وانا اتذكر ، وكلتله
من اول يوم شلتها وخليتها على گلبك بفاتحة ابوها
وانا بداخلي كلت مراح تصير لغيرك
وكلشي جان مبين من خوفك عليها ولهفتك وشلون شايل همها وتريد تحميها من عيون الكل مرات احسها بنتك انت من بت خالد،ومن كمت اشوف خبالاتك الي تطلعهن عليها وعلى لبسها وخوفك عليها حتى من خوانك اعرفت بيك اوكعت بس ادري بعقلك جبير وبقيت ساكت وحتبقى ساكت خوفاً عليها وما تريد تستغلها

هذال: اهتمامي بيها مو معناه احبها ،،انا جنت من صدك حاسبها بنيتي وفوكاها هي امانة خالد الله يرحمه ومن واجبي گبل كلشي اهتم بيها واشيلها بعيوني وفوكاها الحمل الخلاه جدي بركبتي وشيلني همها بعد اكثر واكثر والامر من هذا جدي هو الخلاها بعقلي من كال اتمناها الك ومن يومها وانا اتسودنت

فردوس: جدك ما خلاها بعقلك ،جدك بس خلاك تفتح عيونك على شي هو موجود جواك من الاساس ،

هذال: كاره نفسي وعليييي،،وچ وحگ الله صغيرة وكاره نفسي شلون رايدها هيج ،احسها اجت للدنيا حتى اكبرها بيدي واضمها جوى ضلوعي وما انطيها لاحد ،كمت احس روحي واحد اناني ويمكن راح ادمر حياتها كدامها عمر طويل واخاف اظلمها وياي

فردوس: ليش يحبيب تحجي هالحجي ،،انت ما غلطان ولا ظلمتها ولا راح تظلمها والله يحبها من خلاها بگلبك ،محد بهالدنيا كلها رح يحبها ويصونها ويشيلها بعيونه كدك ،،

هذال: جريت نفس واحس الخنكة ذبحتني ،ورديت،
بس انا جبير هواااي عليها
وهي صغيرة لو اموتن ما اخذها هسه ولو انتظرتها تكبر شرح تلكة بيه ؟!ولج انا من هسه طك الشيب براسي

فردوس: يااا ولك شهالحجي انت زينة الشباب وبعدك باول عمرك
هذا مو مروان كدامك واخذني على كبر شوفه شبي مثل الحديد والله وتكول ابن البارحة ،وترى الزلمة كلما يكون اكبر كلما يعرف يتعامل ويا مريته ويدللها اكثر
وهي المرة شتريد من زلمتها غير الدلال ،،واذا على جيلانة هي اصلاً رويحتها بيك واذا تريد انا اخلي الشغلة ابالها ،بس مو هسه هذال
لنها صغيرة واخاف عليها تلتهي بهالشي وتتخربط مشاعرها واهي بعدها مراهقة وهالعمر يخوف ،،