صغيرة ال حمدان

لقطة من لهفة اليوم🖤

هذه اللقطة تشرح بداية البارت مالت اليوم 🙈وردت انطيكم خبر ان البارت اليوم يتأخر واحتمال ينزل ب١١بليل لان والله البارحة ما نايمة بس ٤ ساعات بسبب ظرف صارلي 💔وكلما اجي اكتب بالبارت تغوش عيوني واغفى
فخل اكتبه واني مرتاحه لان بارت كله مشاعر جياشة🙈وحرامات ينقصه شي ،واعوفكم هسه ويا اللقطة
.
.
.
جاي احس بدفو جسمه
وانفاسه الي يم اذني دنكت راسي وشفت ايده الي ملفوفة على بطني وحاضني منها بقوة ،رغم جانت الغرفة ظلمة بس الضوى الجاي من ورى البردة الواكفين احنا وراها جان كافي حتى اشوف بوضوح

وهو بقى ساكت بس انفاسه التعبانه جاي تترنح يم اذني ،

مديت ايدي الثنين على ايده وهو حاضني، طخت ايدي بيده ورجفت كلني وشهكت بأنفاسي ،
كمت اتنفس بسرعة ومجاي اصدك روحي ولا مصدكة الموقف هذا لازمة ايده وهم اكول مو حقيقة ،لحد ما حجى بثكل وهدوء

هذال: حبيبي ! احجي لا تسكتين

جيلان: حجاها وفرني لوجهه وصارت عيوني بعيونه ،
اول ما شفته وهو هيج قريب ردت ابجي ،بلعت ريك وحاولت ما اطلع الدمعة واني اباوع لتفاصيل وجهه الي احبهن وابتسامته وحتى عيونه جانت مبتسمه

حركت ايدي بهدوء وصعدتها لوجهه ولزمت وجهه ناحية لحيته
واني اباوع بعيونه وهو ينتظر كل حركة مني ،حجيت برجفه
انت صدك؟! يعني مو حلم ،
حجيتها وبرطمت وفقدت السيطرة على دموعي ورجعت كلت بصوت مهزوز ،
حتى لو حلم ما اريد اكعد منه ،،

رفع ايده الجانت حاضنتني ولزم وجهي بيهن وكام يمسح بدموعي وهو عيونه مليانه تعب وحجى

هذال: هسسس ،مو حلم مو حلم والله ،انا هنا يمج ،

....هالمرة ماكول يتبع
راح اكلكم انتظرو البارت🙈