وهذا بارت حلو وصادم بنفس الوقت 💔
انطوني رايكم حبايبي وسامحوني اذا اكو اخطاء بالاملاء لان كتبت البارت وماراجعته 🖤
(صغيرة ال حمدان)
للكاتبة روشان
البارت الثاني عشر
ﺷﮕﺪ #ﻛﺒﺮﻧﻪ ..
ﻭﻣﻦ ﺃﺑﺎﻭﻉ ﻋﺎﻟﺼﻮﺭ ﺗﺒﭽﻲ ﻣﻼﻣﺤﻨﻪ
ﻭﺁﺁﺥ ﻣﻦ ﻋﻨﺪﭺ #ﺻﻮﺭﻧﻪ
#ﻭﻳﺎﺯﻏﺮﻧﻪ ...
ﺷﮕﺪ ﺗﺮﻑ ﻭﻱ ﺍﻷﻣﺲ
ﺑﻬﻴﺪﺓ ﻣﻦ ﺗﻤﺸﻲ ﺃﺭﺩ ﺃﺣﻠﻔﻚ #ﻳﺎﻋﻤﺮﻧﻪ 🌼🍃🌼
خالد: ها شعجب انت شلته راد من وكت اليوم
برهان : لا انا بقيت حتى احجي وياك بشغله
خالد: كول يخوي خيرك خوما اكو شي
برهان : ابوي يكول خل يخابر مروان ويكله ماكو نصيب وابن عمها رايدها للبنية ولا يتعبون نفسهم ويجون
خالد: شنو هالحجي برهان هو لعب جهال وهذا منو ابن عمها تردون تنطوها لعدنان العركجي الحرامي هاي الا اتخبلتو والحسييين اجي احرك البيت على راسكم شبي ابوي فوك سوايته وياي يريد يورط فردوس همات
برهان: ولك اوكف اوكف شبيك صاير نار كبرة محد يكدر يحاجيك
انطيني مجال احجي السالفة لا عدنان ولا غيره بس ابوك طلعها حجة حتى نصد الولد ونكله ماكو نصيب
خالد: وليش هيج ولك ؟؟!الولد شنو بي قصور شنو عيبه مو كيفتو عليه كلكم
برهان : والله لحد الان كلنا نريده ونتمناه بس ابوك البارحة من رديت انا وهو متخبل عليهم وكال ماريد كلشي من طرف خالد وحتى الخطبة مال فردوس متصير الا على جنازتي
دزيت على سلام وبقينا نتوسل بي كناله الولد ماله دخل بخالد وحرامات خوش نصيب لا توكف بوجها
وهو هاج علينه بالزايد كال
كتلكم دزوله خبر لا يجي ويتعب نفسه احسن ما يجي هو واهله وانا اطردهم من الباب
خالد: شنهي السالفة ابوي شصايرلة صاير مايفكر بعقله وين ذاك ابوي الجان عقله يوزن بلد هسه صاير كلشي يسوي عناد واذية والمن ؟؟ النا احنا ولدة
والله ماعرف شحجي وشكول للولد حتى فشلة والله
راح اتخارب وياه من ورى ابوك
برهان : ماتكلي شنسوي بعد والله حجينا وياه بكل طريقة وجيناه بكل اسلوب وهو تكول قافل راسه وشامر المفتاح بالشط
دروح خابره للولد ومروان خوش ادمي راح يتفهمك وانت مالك دخل يخوي لا تشيل السالفة فوك راسك البيك كافيك
خالد: هذا هو راح احاجي ،بس قسماً بالله ابوي راح يجي يوم يعض اصابعه ندم عالجاي يسوي بينا
ويلا انا رايح سلملي على امي وكلها انا بخير دامها جاي تدعيلي
برهان : الله وياك يخوي
سديته منه وانا احس بحركة بصدري كلما اتذكر ابوي شلون جاي يحاربني
صعبة حيل صعععبة من تكون حاط شخص بين عيونك العمر كله تقدرة وتهابه وتعتبره مثلك الاعلى وتالي يسوي شغلات تحرك روحك من الداخل وتدوس عليك
هنا راح تشوف نفسك داخل بحرب بين شلون تحافظ على نظرتك اله وتطلعله سبب لكلشي يسوي
وبين شلون اهو جاي يوكع من عينك الشالته سنين وسنين
دكيت على مروان وكتله ماكو نصيب وحجيتله السالفه ووضعي واتعذرت منه اذا جنت انا السبب
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
