صغيرة ال حمدان

البارت السادس والعشرون

وهذا البارت هديه حتى لو مو بطول بقية البارتات 🙈وراح ينكشف بي سر صارلكم هواي تنتظرو 🖤

(صغيرة ال حمدان)
للكاتبة روشان

البارت السادس والعشرون

احميۿ لي ، يآ الله حتى لا يمس قلبـۃ وجـ؏ـاً فـ يمس قلبي اضعافــۃ 🖤
(هذال)

هذال:بقيت كاعد وايدي على راسي الي يطلع نار ونويت باجر حتى ماروح ويا جدي للمستشفى الا استفرد بيها وارد اوكع على علتها واعرف تاليها شنووو
احس قبغ راسي حيطير من الالم ،جابتلي فردوس النومي شربته وبقت كاعده يمي لحد ما خف الالم كتلها انا صاعد انام
عفتها وصعد وانا وصلت للغرفه وسمعت صوتها

جيلان : من طلع وهو متخبل خفت حيل وطلعت وراه من الغرفة بس بقى بالي يمه وبس اريد اعرف شسوة
بقيت كاعده عالدرجه مال باب السطح الصايره من الداخل وارتجيت عالباب الجانت مسدودة وبقيت انتظره
لحد ما شفته صعد ما انتبه عليه لان جان المكان اظلم حيل وهو يفتح الباب واني صحته بس احس صوتي مهزوز حيل
هذاال

هذال: انداريت عليها و ويا صوتها اتذكرت شلون عفتها بالغرفه وحدها بعد ماخبلتها وياي
بس ما جنت واعي من حركة گلبي سويت كل هالشي ،
ها حبيبه بعدج كاعدة

جيلان: جنت انتظرك
هذال: اتجهت ناحيتها وشغلت الضوه الجان يم باب السطح
جيلان: من شغل الضوة صارت عيني بعينه وحواجبه الجان عاكدهن انفكن وابتسم

هذال: ليش منتظرتني
جيلان : ضل بالي عليك لان طلعت عصبي وخفت لتسوي شي
هذال: اووف اووف ولج ما سويت بس وداعة عيونج لسوي باجر واخلي حد لكلشي

جيلان: شتسوييي؟؟!
هذال: معليج انتي بس لا تخافين وچ انا احرك الدنيا واهلها لجل عيونج ،بس انتي احجي ولا تضمين علي وانا اخذلج حقج من عيون كلمن يأذيج حتى لو جانت امي حتى لو جان ابوي
بسسس احجي ولا تخليني اعرف بعدين من اشوفج متأذية واحترك اكثرررر

جيلان : هزيتله راسي وكتله
اي والله بعد كلشي احجيلك
هذال : تعالي احجيلي كلشي انا اريد شي لو يصبرني منا للصبح لو يخبلني فرد مرة
كعدت بصفها وين جانت كاعدة وكتلها يلا احجي

جيلان: شنو تريد احجيلك
هذال: هاي اول مرة امي تضربج ؟!
وانا اسألها اتذكرت الاثر الي بيدها وشاطت روحي ،وكتلها
من شفت ايدج هم هي جانت ضاربتج

جيلان: هزيتله راسي كتله ايي كرصتني
هذال: كملي كملي حبيبه احجيلي كلشي
كتلها كملي وانا اكلت شفتي اكل واحس جاكوج ويدك براسي ويا كل سالفه و ويا كل مره ضاربتها بيها وانا جنت مثل الحايط ماداري بكلشي
وااخ احس النار تفور بيه فور من كالتلي شلون مخوفتها من اول ما اجت يمنا وتكلها اكطعج واذبج للجلاب ،
لحد ما كملت انا راسي صار طبل من الالم بس صافن واسمعها وهي كلساع تكلي بعد واكلها كملي لحد ما كملت كلشي
كتلها ليش ضربتج اليوم هيج