صغيرة ال حمدان

مقطع

مرحبا ياوردات هالمقطع حتى احمسكم لبارت اليوم
وشاركوني توقعاتكم

مقطع من البارت الجاي🖤

ام جيلان: كومي ماما غسلي وجهج واكليلج لكمه صارلج يومين مكضيتها لو نوم لو تعوين مو موزين عليج

جيلان: ماريد يمة فدوة عوفيني هيج مرتاحة
الام: وين مرتاحة وانتي ليلج كله تونين مثل البومة
اني مشايفه هيج دلال هسه مو اتزوجنا وحبينا وزعلنا واتكافشنا همين، بس مسوينا مثلج

جيلان : جريت نفس بحسرة وكتلها
ماكو احد مثل خالد ماما لو النسوان كلهن عدهن زلم مثله جان ما بيوم وحدة زعلت رجلها ولا كدرت تفاركه

الام: والله كلهم الزلم نفس الشي بس انتي ميتة على خالد الابرش وكلبج يرجف عليه رجف
وشوفي هو صار يومين لا سال عنج ولا كال ،مو اكلج شويه سوي قيمة لنفسج ماما ليش هيج اموته روحج عليه ،المرة مو دايماً لازم تنطي وتكول هاك واخذ وكله اي وحاضر وتتدلل
اكو مواقف لازم تفرضين نفسج بيها من تشوفين نفسج ما مسويه غلط لا تهينين نفسج بالعكس خليج قويه وواجهي واوكفي بوجهه وكولي اني مغلطت بشي
وخلي هو يتوسل حتى ياخذ رضاج

جيلان: ماما تحاجيني واني بغير عالم صارلنه فوك السنة متزوجين وما فد يوم زعلته لو كسرتله كلمة وماشيه وياه مثل المسطرة .......

في مكان اخر

عباس: انا لو ما ابوي جبرني چا ولا جيت وكتلج ردي
بعد سوايتج السويتيها
وانا لحد هسه اركض حتى اصلح كلشي خربتي وما جاي يتصلح يبت عمي

سهيلة: يمة استهدى بالرحمن لا تكبر السالفة هسه انت جاي ترد مريتك لو تفتح دفاتر عتيكة
حجت فلك وهي ترفع بحاجبها
فلك : وهسه شرايد يبن عمي
عباس: ردي لبيتج فلك وخل نفظ هالطلابه ونلم روحنا وجهالنا الي تبهذلو صار سنة

فلك: وانا ما ارد لبيتك دام اخوك عايش ومرتاح وخيتي نامت جوة التراب من وراه

انتظرو البارت اليوم بليل 🖤