حبايبي الي جاي يكولون شنو الاضافة وما جاي تطلع عدنا راح انزلها الكم هنا 🖤
حتى الما لكاها بالبارت يلكاها هنا 😘
.
.
صارت ساعه ب٢ بليل واني كاعده بالمطبخ اكلب بالتلفون وهو نزل يتمشى بهدوءودخل للمطبخ
يتمصر ويمط بجسمه شافني كباله وابتسم
واجه عليه بسرعة راد يبوسني واني جريت نفسي منه بضحكة
خفت لحد يشوفنه ،كمت سويتله اكل واكلت وياه وهو عيونه تريد تاكلني من الفرحة ،،
لحد ما كملنا العشى وكمت لميت المواعين ووكفت اغسلهن وهو كاعد يمي بالمطبخ صافن على حركتي ويدخن ،،
كمل جكارته واجه يمي
حضني من وره ولف ايده على بطني وحجى بهدوء يم اذني
هذال: تتذكرين !!
جيلان: ضحكت وغسلت ايدي لان جنت مخلصة المواعين ،بقيت صافنه على ايدي اريد انشفها وماكو خاولي يمي ،
ميلت راسي من يمه وانداريت عليه وحجيت ،
اريد الزم ايدك مثل هذاك اليوم ،بس كلهن مي ..
بس كملت الحجي وهو رفع ايده ولزم ايديناتي ولف اصابعه على اصابعي ولف ايدي وايده سوى على بطني وكال
هذال: لو جان بيهن نار مو بس مي ،،هم لزميني بيهن
جيلان :حجى وباسني من ركبتي وهو حاضني من وره ،واني منا نعسانه حسيت روحي راح اوكع بيده
واتلاحكت لروحي وكلتله ،
يلا كافي خل نروح انام انت تعبان واني نعست ،
هذال: نامي بحضني مثل المغرب
جيلان: وخرت من حضنه وباوعتله رافعه حاجبي وكلت ،،
لا عيني شنو طلابه !
فك حلكة وباوعلي بأستغراب وحجى
هذال: هاااا هيج صارت ؟!!!
جيلان: حجيت واني لازمة الضحكة بالكوة ،
اي لعد شنو !بعدنا ممعرسين ترى ميصير الزك يمك هيج ،
هذال: هاااا يعني انا صرت اخوف هسه موو؟!!
جيلان: اصلاً صرت اخطر من داعش ،كلتها و فلتت من يمه وطلعت راكضه من المطبخ واني اضحك وهو يصيح ورايه بس بصوت ناصي ومن بين سنونه حتى لحد يسمع
هذال: انا اعلمج جيلااان ،والله اطلع كلشي من خشمج بعدين
جيلان: صعدت بسرعه لغرفتي واحس گلبي يريد يطلع من الحب واللهفه الجاي احس بيهن ،بس خليت راسي عالمخدة غفيت وماحسيت بروحي بعد من النعاس والتعب حاسه بي ،
ماعرف شكد فات وكت على نومتي وحلمت بي نايم بصفي وحسيت بالدفو وبالحضنه
بقيت ابتسم بالحلم ومجلبه بيده الي ملفوفه على جسمي بدون ما اندار واشوف وجهه
وعطره المخبوط بريحه جسمه وريحه الجكاير القليلة ترس خشمي
مو حلم احس روحي طايره بنومي ،
كعدت الصبح افرك بعيني ومبتسمه واني اتذكر الحلم واحاجي روحي
اووف فدوه يربي كون يوميه هيج حلم يرد الروح انوب اول مره اشوف حلم ابو العطر والريحه مالته ترست رياتي ترس ،نزلت بيومها نشيطه حيل وهو جان ماكو وامي كالت راح للمكتب بقى يومين بين البيت والمكتب وبعد ما صفتلنا فرصة نبقى وحدنا ،ومنا اني مشغوله ويا سرى حتى كمت انام يمها حتى تلتهي وياي بالسوالف ولتبقى تبجي الليل كله ،
و ورا اليومين رجع يم بشار وبقى يمه اسبوع واني ما شايفته بس محجي بالتلفون
وضع بشار بدى يتحسن وصارله ٢٠ يوم بالمستشفى لحد ما كالو راح يطلعو باجر العصر ،
اباوع لسرى وفرحتها حتى دموعها كامت تجري ،ومتعرف شتسوي
ثاني يوم من الصبح رحت اني وياها للبيت نظفناه وهي وبطنها طايرة منا ومنا
ومنتظرته على نار لحد ما صار العصر وسمعنا صوت السيارات ونزلتهم منها
...الباقي موجود بالبارت 🖤هسه انا عايلة وياكم 🌚
احبكم
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
