مساء الخير حبايبي اعذروني عالتأخير دقايق لان الكهرباء جانت طافية💔
وبعدني ممعدلة البارت 🙈
(صغيرة ال حمدان)
للكاتبة روشان
البارت الرابع والاربعون
محتاجك حلم يحضني طول الليل
ومحتاجك حقيقة وياك أكضيها
ومحتاجك عمر فاركني صار سنين
ومحتاجك حياة بعمري اشريها
دخيلك روحي ترجف ضمني ليك بساع
وبلمسة حنانك روحي دفيها
مااحمل غيابك بية نار تصير
واهات الليالي الماتحس بيها
احلفنك يغالي بكل كلام الشوك
لترخص عيوني وﻻتبجيها
مجنونك صرت والعقل هايم بيك
وعطشانة المشاعر وانتة ترويهه
(من متابعة)
،
،
،
سرى:وج جيلااان تعاي
جيلان: شكو ولج شبيج!!؟
سرى: تعاي كفخيني ،كرصيني وج اخاااف جاي احلم
جيلان: ههههه لا متحلمين اجاج العيد ولابس قميص ماروني
سرى: اخ بويه اخرب عالماروني انييييي،حجيتها وعضيت شفتي وغمضت واحرك بحواجبي اريد اغث جيلان
محسيت الا بكفخة قويه منها على ضهري خلتني افتح بسرعة
جيلان: كومي ولج زاحفة ،ترى اني خفت على بشار منج !!
سرى: لتخافين ترى هو رح يثرمني ابن ال....
جيلان: ها ابن ال شنوو مو اكلج صكار لسانج هو
سرى: اي وروح الاعزاز، عوفج هسه من لساني ،
اكلج اليوم اكو بوس لو لا ؟!
جيلان: ههههه يمممه البنية لاحكة والعباس الله يساعدك بشار ،
جاي نحجي واجت ابرار كالت نزلو جوه
اخذنه شال ابيض جان خلته سرى على راسها واني جنت لابسه بنطرون وقميص طويل فوكاه ولافة شيله خليجية جان موديلها دارج جديد وكلش حلوه تطلع على وجهي
نزلنا جانت عمتي جايه و ندى وحموات عمتي ثنين
سرى اول مشافت عمة جنات راحت عليها بسرعه وهي عمتي حضنتها
طبعاً عمتي بس غلافها لسانها بس من جوة ابيض من گلبها ماكو
فلك ماكو عبن عينها مكسورة والسالفة دتصير غصب عنها ،بقينا احنا بالصالة اني وسرى وبيبي ونور مرت ناصر واكفه كفضول مو غير شي وهن عمتي وندى وعماته لبشار وابرار راحت جابت الكيك والببسي قدمت وكمت اني وياها
والزلم جانو بالمظيف شويه وصاح جواد من ورا الباب على سرى كالها تعاي حتى تجاوبين السيد ،كامت وجرتني وياها كالت لتعوفيني ،رحت وياها وعمتي ويانه وصلنا يم الباب جواد واكف ينتظرها
الباب مال مظيف عالحديقه بس هم بي باب لداخل البيت فجانت وكفتنا يم الباب الداخلي ،
سرى: مشيت واني لازمه الشال الي على راسي وايدي ترجف ،وكلبي يقرن دكاته الف ،وجيلان مجلبه بيها بيدي الخ
والحسين مجاي اصدك ،كلساع احس اني مو شكول فرح وخايفه لا تخرب شغلتنا وارجع واكول اتوكل على الله هو يسهلها الي
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
