مساء الخير حبايبي 🖤
موعد البارت وانطوني رأيكم وعلقوا بكلشي يعجبكم وياريت لاتنسون ال لايك وتم 😍واي استفسار عن الرواية اني جاهزة
(صغيرة ال حمدان)
للكاتبة روشان
البارت الثاني
انا ابنٌ لتلك العيون الساهرة فجراً تدعي
انا ابنٌ لذلك الجبل الذي وضع اثقال احلامه على كتفي
وها انا اعدت حق تلك الدموع محققاً حلم ذلك الجبل
-جاي اتمشى بالشارع بسرعة واني راجع لبيتنا والضحكة شاكه حلكي وكلبي سوى ،
وجاي اتخيل شلون راح تكون فرحة امي لمن تشوف دعواتها استجابت وعيون ابوي وانا اكله ابنك راح يصير مهندس مثل ما جنت تحلم
وصلت البيت دكيت الباب مثل المخبل ،وطلعت فردوس تركض بين مالبست شيلتها وفتحتلي الباب
فردوس:شبيك شبيك يخوي تخبلت مطلعني اركض جني مسودنه
خالد:اي تخبلت عندج اعتراض ،وبعدين ما ارضى بعد تتجاوزين علي ترى وعلي ابن ابي طالب احطج هنا واهطرج
الي جاي تحجين ويا حيصير مهندس منا وغادي
فردوس فتحت عيونها على كبرهن من الصدمة
فردوس:يا يا كول والله!!! طلع القبول مالتك؟
خالد:اي وروح حبوبتي وحصير مهندس يا جحشه
ضربتها على راسها ودخلت للبيت
ابوي واخوتي جانو بالشغل بس امي وفلك واخلاص مرت برهان بالبيت واكيد فردوسه وجهال عباس
اتلكتني امي من الباب حضنتها حيل ورفعتها وكمت افتر بيها واكلها حققت حلمكم يمه حصير مهندس وهي تصيح
سهيلة:ولك ولللك راح اكع نزلني ادوخ يمه
نزلتها كامت تبوس بيه وتحضن
-يمه صلوات على محمد وال بيته ،الف حمد وشكر الك ربي ما ضيعت تعب وليدي
ماعرف اهلهل يمه جان خبصت الدنيا
صاحت فلك من وراها
-انا اهلهل عمه احنا مصدكين مجذبين خويلد يصير مهندس
وجرتها هلهوله شكت اذني بيها بس يلا هم طلع منها شي زين هههه
باركولي البنات هالحجي ب٩٠ جنت رايح اشوف القبولات طالعه لو بعدهي وجان حلمي وحلم اهلي اصير مهندس
وصدك طلع قبولي هندسة جامعة بغداد الف حمد وشكر
ورجعو ابوي والولد وخبرتهم والفرحه ما سايعتهم وبرهان مثل عادته يغني ويدبج
حمدان:ول برهان ما تعجل ما تثگل زوجناك وما خلصنه من خبالاتك شرارة انت يبوي شرارة وما تكعد راحه
برهان :هياتك انت كلتها يبه انا شرارة وراضي احسن ما اصير عقدة ونحييس مثل سلام
وكا هياته العقدة ابن الحلال عد ذكره يبان
طبو بيت سلام هو ومرته زهرة وجهاله ثنين والثالث ببطنها هي وفلك حبلن سوى هالمره
واجت جنات ورجلها وبيدها بشار عمره ٣سنين هذا فرحتهم بعد انتظار وتعب ودموع ٧ سنين ،هي من ال٨٠ تزوجت وبشار اجه ب٨٧
والتمينه سوى تجمعنا الضحكه والفرحة وسوالف برهان وهو يبسمر فلك على كلشي تحجي ويخليها تشوط وماتكدر تحجي لان ابوي موجود واحنا ميتين ضحك
كعد هذال بصفي وهو مبتسم
هذال:مبارك عليك عمي يوم الفرحه الجبيره بتخرجك وزواجك
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
