صغيرة ال حمدان

البارت الاربعون

اتفاعلووو بقوة حبايبي حسسوني بتعبي😢
بعدني ممعدلة🖤

(صغيرة ال حمدان)
للكاتبة روشان

البارت الاربعون

شكد صعبة اذا راح التريده
وبعيونه قصة حب جديدة
وهنا تحس بعصرة الموت
لو شفت غيرك لازم ايده
تضحك وكلبك يشتعل نار
وتحس حلالك مو الك صار
يتسامح الي عالفركة مجبور
بس صعبة لمن هو يختار

جيلان: كاعدين بالصالة وردت مي اشرب اصيح بالجهال اصخرهم وميقبلون يرحون الجلاب ،تالي كمت لبست صايتي والشال وطلعت للمطبخ
جنت اضوج من مي الكلاصات الجاهزة احب اشرب بالسراحية
فتحت الثلاجة طلعت مي ارتجيت عالكاونتر جاي اشرب وفات حيدر للمطبخ هو شافني وعاط

حيدر: هلو ياااب ،هااي شعندج هناااا؟!! مو الولد طابين طالعيييين

جيلان: حجاها بصياح وخزره ،باوعتله ببرود واني بعدني اشرب مي وكلتله
جيت اشرب مي ،باوعلي صفح وهو رافع حاجبه وكال

حيدر: تشربيين سم ،امشيييي ولي جوه يلا

جيلان: ضحكت بداخلي يأستهزاء،، عود طلعت عنده غيره ،استغفرك وبي
رجعت المي وهو راح ناحية المجمدة
جاي اطلع من المطبخ وسمعته صاح

حيدر: لااا خرررب لشتهههم ،،اوكفي جيلان

جيلان: انداريت عليه جان شايل صنادك ثنين مال مي والشماغ مالته متخربط شويه كال

حيدر: تعاي عدلي اليشماغ

جيلان: باوعتله صفح ،وكلت
متعدله انتتتت !
جاوبني بهدوء استفزازي وابتسامة

حيدر: جيلان خلي يومج يعدي على خير ،تعرفين العناد وين يوديج
حجاها وغمز

جيلان : صكيت على سنوني بقوة ،شكد كارهته الجلب
بهالاثناء دخلن مسرة ومرت ناصر للمطبخ ماعرف شياخذن
اتمشيت يمه وبديت اعدله اله واني اعصابي تلفت من العصبية وبداخلي اكول بين اليوم من اوله

وهو جان يباوع بوجهي وكال

حيدر: هاي الشفة الماروني ماااال .....
حجاها وعض شفته وضحك
وخرت من يمه بتعب جنت على اعصابي بقربه ،،انداريت شفت هذال واكف بالباب وصافن علينه ولازم ردان الدشداشه
احسه جان متحنط يمكن حتى نفس ما اتنفس ،من شفته گلبي نغزني ماعرف ليش خوف لو قلق رغم احلامي بي اتوقفت من ابتعدت لليوم بس بعدني ما اطيقة
درت وجهي بسرعه وطلعت من المطبخ وعفتهم هم هو وهم حيدر واكفين ...
.
.
هذال: شكد جنت اتخايلها بحضنه وقريبه منه بس كلشي اجه ببالي ودمرني وشكك شكو شريان بصدري هو لا شيء وانا اشوف الموقف بعيني ،من تشوف العين يوكف العقل ويبطل يتخيل ،احس روحي انسحبت مني ورجعت بلحظة بقيت صافن عليها والقهر اليذذذذبح صفنت بعيوني لحظات وصدت وجها عني بقسوة وعافتني وراحت ،
اااخ ياروحي شبقى بيييج احس روحي فصلت من الدنيا وفزيت على حيدر من انطخ بيه وهو طالع من المطبخ ، رجعت لوعيي وجريت نفس قوي حتى احصر شكو حسرة بيه وما اخليها تبين
شفت عيون مسرة ونور عليه
مديت ايدي لياختي عدلتها وكحيت ورفعت حاجبي حتى ابين قوي وما مكسور بس داخلي كزاز متطشر ،صعدت لغرفتي بدلت الازرار ونزلت طلعت مادري شلون كضت الحنة علي وانا كلساع تجي صورتهم كبالي وانا گلبي يحركنننني ،لحد ما تعبت وماتحملت بعد يمكن اي واحد يجي كبالي اخنكة واموته وماحس بروحي،
عفتهم واخذت السيارة وطلعت ومارجعت الا تالي الليل من اتاكدرت الهوسه خلصت وكلمن رد لبيته ،
ورديت انا لبيتي غرفتي وقفصي المليان ذكرياتها ،عرفت بروحي ما راح اكدر انام ،اول ما فتت بدلت واخذت عندي علاج مال ضغط بي نسبه منوم عاليه اخذت منه وبقيت الوب وانتظر لحد ما غفيت ،،،