ما راجعت البارت سامحو اغلاطي 😘
(صغيرة ال حمدان )
للكاتبة روشان
البارت الثامن عشر
عذبو گـــــــلبي ومشو
وعافوني وحدي #بدنيتي
وبحالي أبد ما فكرو
وشـــــلون أطيب #علتي
لا سألو شحاله #صبح
مـن يسهر لحد #الصبح
لا مرله نوم ولا #فرح
محد عرف بمصيبتي .
ام جيلان : انتوووو ماتخااافون الله تردون تاخذون اخر ريحة بقتلي من بنيتي
ماااا انطيها ما انطيها لو اموووووت...
سلام: على كيفج حجية مو هيج بس خل نتفاهم
ام جيلان: يا تفاهم هذا كلولي شلون وانتو جايين تاخذون بنيتي من حظني
شلون ينطيكم گلبكم واني گلبي محروك وگلب الوالدة محد يحس بي تردون تحركون گلبي بعد بالزايد
ليش يمة لييش
برهان: المرة تحاجينا وما سكتت من البواجي تلوع الگلب هي مو ذاك الكبر بس القهر هاد حيلها ومبينه عجوز كتلها
يمة على كيفج تعالي كعدي هنا وارتاحي واخذي نفس وكولي يا الله كعدي
جبتها خليتها تكعد عالكرسي وكعدت انا يم سلام بصفها عالقنفة انتظرناها شوي هدت واخوها يمها واكف يهدي بيها
سلام: يمة احنا لو علينا ما نجي ونوصلج بهيج سالفة ابد لان نعرفها الله يرحمها شكد غالية عندج وما صار لوفاتها بس جم يوم
بس السالفة مو ابيدنا والشاهد الله على كل كلمة حكولها
احنا مو هينه عدنا بتنا ولحمنا تتربى بعيد عنا وابوها مو يمها
بس همات ما نريد نكسر گلبج وناخذها منج بس الصار اكبر مني ومن اخوي
الصار ان ابونا هو الطلب الطفلة تروح يمه وهذا ابونا وما نكدر نرد طلبه والي يكوله يمشي على روسنا كليتنا
لو ان السالفة بيدي چا والله ما خليت دمعة منج تنزل بس كتلج يحجية ابوي كال ولازم انفذ
برهان: من كمل سلام وكفت المرة وكالت
ام جيلان: اني اجي وياكم واحاجي
بقينا واحد يباوع للاخ وحجى اخوها
ابو حمزة: وين ترحين يابه انتي وين بيج حيل طريق
ام جيلان: لا اروح مابيه شي خلي اروح واحجي وياه حتى ارجع بنيتي ويايه لحضني ،راحت من ايدي بنية مثل الورد المفتح وماريد اخسر الثانية
سلام: التردي يجرالج يمه
واحنا ننتظرج هنا بين ما تكملين ونطلع .
فردوس: صارت ساعة ٩ بليل جنا مكملين العشى ووصلو سلام وبرهان وياهم مرة جبيرة بس اصغر من امي ومبينه متعوبة عرفتها هاي ام جيلان
الله اليستر المرة شعجب جايه
اتلكيناها واجت امي بوستها واخذت من خاطرها
وكالت جاية لابو عباس
سهيلة : كل الهلا بيج يحبيبة تفضلي
دخلتها امي للصاله والولد وياها فات برهان اخر واحد وسد الباب وراه
اباوع على فلك الجانت واكفة يمنا بالمطبخ وجها صار اصفر وبس تريد تعرف منو هاي وشنو السالفة
لان هي اصلا متدري بسالفة الطفلة لان حجي ابوي ابد ما صار كدامها
اجتني تركض ورا ما دخلو هم للصاله
فلك: ولج فردووس منو هالحرمة الجايه ويا اخوتج
فردوس: باوعتلها صفح وكتلها هاي عمة خالد
من كتلها هيج كامت تتبلعم
فلك:و والجاهل البيدها شنو
فردوس: هاي بت اخوي وانا كتلها هيج ولطمت على صدرها
أنت تقرأ
صغيرة ال حمدان
General Fictionيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
