(صغيرة ال حمدان)
للكاتبة روشان
البارت العاشر
شلت عنك عمر مليان اذية وضيم
انت بكل گباحة تروح تاذيني
اغفرلك الزلة،اغفرلك الغلطة وخاطري مكسور
صادگت الكرهني وانكرت زيني؟
انطيتك عمر من كلت عمري انباك
اشمعنى بتالي عمري ماترد ديني
ردتك يمنتي حين اليصح مكروه
ازامط بيك وانت تريد تلويني
حمدان: ولكم انا انباااك تنهبون حمداااان
ومنهو الباكني يالوادم ولكم مني وبيه ولدي ولدي انتم
چا هو خير منو هذا هو كله الكم
كله الكم يخوي
ليش انا يايوم خليت ابيتي اكثر ما اخلي ابيتك
انا يايوم صرفت اعلى ولدي اكثر من ولدك
تحجه يعدنان اتحجه يعمي يايوم الردت ورديتك انا وكتلك لا
وتالي تغافلنا وتنهب خيرك بيديك ،هذا الكم يابه انا ما دايم الخير خيري بس انا ما عزيته على اخوي وجهاله مگاسمكم بكلشي وما قصرت
فردوس:سمعنا حجي ابوي وامي لطمت على وجها وكامت تصيح يمه صخام الصخمنا انشهرنا بين العالم
دخل هذال على صوتها
هذال :جدة اسكتي صوتج لبرا وصل وعمامي كامو يحجون
سهيلة:ولك شصاير جدة صدك خالك بايك من جدك
فردوس: هذال دنك راسه وكالها ماعرف وعافنه وطلع
وصوتهم برا جاي يتجادلون وكل واحد يصيح من صفحة لحد ما سمعت سلام كال فوتو جوة لا تجي الوادم عالصوت
دخلنا احنا النسوان بسرعة للمطبخ وهم دخلو للكراج كملو كلامهم اباوع ابوي وجهه دم يمكن ضغطه صاعد سودة عليه شلون يتحمل هيج صدمة
وصاح عمي
ابو محمد:انا ابني ما نهب شي وما يسوي اهيج سواية تعبانة وما اصدك حجيكم انا مربي ابني عدل وما تطلع منه العيبة
حمدان :چا هيج يبن ابوي ،لعد انا التطلع مني العيبة تچذب اخوك وانا كايلك لكفته وشفته بعيوني واهو فاتح جرار الدخل ويحط بعلاكته مثل النهيبية
تچذب عيوني لو گبرتي هاي وشيباتي ولك انا حمدان الديرة كلها تحجي بية وتالي يجي اخوي ابن امي وابوي يجذبني ويصدك ابنه العار
وسفة عليك وسففة
سلام:بسك يبوي راح تتخربط امشي جوة ارتاح
حمدان : عوفني اكممممل
اسممممع( يحجي ويأشر على عدنان ابن اخو) اسمع يالبواك يالنفسك دنت على اكل الحرام
والله الماخفت منه وكبر اسمه والحسين الشريف الما تعلمت ذرة من شرفه ان شفتك بالمعمل او ان شفتك باي مكان الچان يخصني الزمك واحش رجولك حش
واكطع ايدك المديتها عالحرام
ابو محمد:شنهي تريد تمشينا بكيفك يحمدان
المكان اليمشي منه ابني انا ما ابگى بي
حمدان: هيج عرفتك دوم مخاوي الباطل ،لا عبالك تلوي ذراعي بيك حتى يبگى(يبقى) ابنك وياي
انا ذراعي نلوت من طلعتني جذاب لجل ابنك البواك
روح يخوي الحك وليداتك اخيرلك واذا عندك يمي حگ ادزه الك لباب البيت
أنت تقرأ
صغيرة ال حمدان
Genel Kurguيُهزم المرء بأشيائه التي يحبها يُهزم بالاشياء التي التفت روحه حولها بما كان يظن انه باقي ،لكنه رحل بما كان يضن انه مصدر قوته ،لكنه اصبح نقطة ضغف رواية عراقية حقيقية (تتراوح احداثها بين الجنوب وبغداد)عن عائلة كاملة واكثر من جيل عائلة قوية ومترابط...
