صغيرة ال حمدان

البارت الثاني والخمسون

حبايبي اول شي اعتذر عالتاخير نصف ساعة بسبب ضعف النت
ثانياً لحد يكول البارت قصير 💔مريضه والله ضغطي صاعد وهم ما عفتكم حتى لو بارت قصير المهم تعيشون وياهم اجواء الحب والرومانسية الي صارلنه ب٢٥ بارت ننتضرها 🖤
واعذروني حبايبي مرة ثانية
(بعدني ممعدلة البارت)

(صغيرة ال حمدان)
للكاتبة روشان

البارت الثاني والخمسون

ملينه يذاك الفوك ملينه
نمشي ويــ الدهر دخان
محد يـعرف أشـبيـنه ،،
ضعنـه !
ولا يـصح نـادر
يدلـينه علـه أسامـينه ،،

متـوازيـن
نتوسل سـمه البـيبان
حته الغـربه ضلت ما تلفـيـنه ،،

مليـنـه
يـذاك الفـوك مليـنـه ،،
.
.
هذال: اااااخ بويه ....اااخ يتعبي وحلم عمري وشيباتي كلهن
يبنية هذال وحمل گلبه ،،

جيلان:خله ايده على خدي وعيونه تلمع بس هالمرة تلمع دمع ،،وعيوني كامت ترمش من ثگل الدمعه البيها ،
وابتسم برجفة ويا كل كلمة يحجيها حسيت گلبه الجاي يحجي مو لسانه ،،رجع كمل حجيه

هذال: صرتي الي يغزالة گلبي ورويحته يا ذبحة صدري ،صرتي الي وراح اضمج بقفص روحي واغطيج بجناحي وانتي بحضني هالمرة وما اهدج لما الله ياخذ امانته ،،گلبج وحضنج الصغير صار بيتي وعيونج تصير مرايتي الكضيت سنين من عمري احلم شلون افتح عيني بيهن ،

جيلان:دموعي كامت تجري واني اسمع كل كلمة منه وروحي فرفحت اريد اضم روحي بصدره واعيش العمر كله بي ،،
مسح دموعي بهوى ايده وكال

هذال: هسسس لا تنزلين دموع بعد ،،هذه مو دموعج هذا دمي وجاي ينزل
يرضيج تنشفين دمي ؟!! انا اريد انترس دم وطاقة وقوة وهذن احصلهن بضحكاتج الحلوة

جيلان: ابتسمت من كل گلبي على حجايته ،وهو لازم وجهي بيده وصافن عليه
فزينا ثنينا على صوت الهورن القوي بصف سيارتنا من ناحيه هذال ،واحنا جنا كاعدين ننتظر الكل يصعدون بسياراتهم حتى تطلع الزفة ،

اندار هذال وفتح الجامة الي بصفه وطلع جواد جاي يدكلنا هورن
اول ما فتحها الجامه وصاح جواد

جواد: رح نجيب جادر ونغطيكم وابقو هنا اليوم ،
اخوي مبين عليه ما يتحمل للبيت

جيلان: هو يحجي ومرته بصفه خربانه ضحك ،واني دنكت راسي وكمت اضحك بخجل
وهذال رد عليه بضحكه

هذال: انجججب يا ول لا انزلك وعلييي،

جواد: لا تنزلي وك بس اطلع مو صلبتنا هنا ،